text

Sukta 50

Complete Rigveda Sukta with 10 mantras in Sanskrit, IAST transliteration, and source-aligned historical English where available.

Depth 4 of 4

Source citations ready
Multilingual content model ready
Mastery pathway ready
Digital scripture edition
Contents
Digital scripture edition

Sukta 50

Complete Rigveda Sukta with 10 mantras in Sanskrit, IAST transliteration, and source-aligned historical English where available.

Page 1 of 12
Your place is saved

Turn pages with the buttons, a swipe, or the left and right arrow keys.

Read as continuous text

Rigveda 8.50.1

Rigveda 8.50.1
Source text

प्र सु श्रुतं सुराधसमर्चा शक्रमभिष्टये। यः सुन्वते स्तुवते काम्यं वसु सहस्रेणेव मंहते॥

Transliteration

pra su śrutaṁ surādhasamarcā śakramabhiṣṭaye | yaḥ sunvate stuvate kāmyaṁ vasu sahasreṇeva maṁhate ||

Rigveda 8.50.2

Rigveda 8.50.2
Source text

शतानीका हेतयो अस्य दुष्टरा इन्द्रस्य समिषो महीः। गिरिर्न भुज्मा मघवत्सु पिन्वते यदीं सुता अमन्दिषुः॥

Transliteration

śatānīkā hetayo asya duṣṭarā indrasya samiṣo mahīḥ | girirna bhujmā maghavatsu pinvate yadīṁ sutā amandiṣuḥ ||

Rigveda 8.50.3

Rigveda 8.50.3
Source text

यदीं सुतास इन्दवोऽभि प्रियममन्दिषुः। आपो न धायि सवनं म आ वसो दुघा इवोप दाशुषे॥

Transliteration

yadīṁ sutāsa indavo'bhi priyamamandiṣuḥ | āpo na dhāyi savanaṁ ma ā vaso dughā ivopa dāśuṣe ||

Rigveda 8.50.4

Rigveda 8.50.4
Source text

अनेहसं वो हवमानमूतये मध्वः क्षरन्ति धीतयः। आ त्वा वसो हवमानास इन्दव उप स्तोत्रेषु दधिरे॥

Transliteration

anehasaṁ vo havamānamūtaye madhvaḥ kṣaranti dhītayaḥ | ā tvā vaso havamānāsa indava upa stotreṣu dadhire ||

Rigveda 8.50.5

Rigveda 8.50.5
Source text

आ नः सोमे स्वध्वर इयानो अत्यो न तोशते। यं ते स्वदावन्स्वदन्ति गूर्तयः पौरे छन्दयसे हवम्॥

Transliteration

ā naḥ some svadhvara iyāno atyo na tośate | yaṁ te svadāvansvadanti gūrtayaḥ paure chandayase havam ||

Rigveda 8.50.6

Rigveda 8.50.6
Source text

प्र वीरमुग्रं विविचिं धनस्पृतं विभूतिं राधसो महः। उद्रीव वज्रिन्नवतो वसुत्वना सदा पीपेथ दाशुषे॥

Transliteration

pra vīramugraṁ viviciṁ dhanaspṛtaṁ vibhūtiṁ rādhaso mahaḥ | udrīva vajrinnavato vasutvanā sadā pīpetha dāśuṣe ||

Rigveda 8.50.7

Rigveda 8.50.7
Source text

यद्ध नूनं परावति यद्वा पृथिव्यां दिवि। युजान इन्द्र हरिभिर्महेमत ऋष्व ऋष्वेभिरा गहि॥

Transliteration

yaddha nūnaṁ parāvati yadvā pṛthivyāṁ divi | yujāna indra haribhirmahemata ṛṣva ṛṣvebhirā gahi ||

Rigveda 8.50.8

Rigveda 8.50.8
Source text

रथिरासो हरयो ये ते अस्रिध ओजो वातस्य पिप्रति। येभिर्नि दस्युं मनुषो निघोषयो येभिः स्वः परीयसे॥

Transliteration

rathirāso harayo ye te asridha ojo vātasya piprati | yebhirni dasyuṁ manuṣo nighoṣayo yebhiḥ svaḥ parīyase ||

Rigveda 8.50.9

Rigveda 8.50.9
Source text

एतावतस्ते वसो विद्याम शूर नव्यसः। यथा प्राव एतशं कृत्व्ये धने यथा वशं दशव्रजे॥

Transliteration

etāvataste vaso vidyāma śūra navyasaḥ | yathā prāva etaśaṁ kṛtvye dhane yathā vaśaṁ daśavraje ||

Rigveda 8.50.10

Rigveda 8.50.10
Source text

यथा कण्वे मघवन्मेधे अध्वरे दीर्घनीथे दमूनसि। यथा गोशर्ये असिषासो अद्रिवो मयि गोत्रं हरिश्रियम्॥

Transliteration

yathā kaṇve maghavanmedhe adhvare dīrghanīthe damūnasi | yathā gośarye asiṣāso adrivo mayi gotraṁ hariśriyam ||

Sources and editorial record

  1. Rigveda Mandala 8, machine-readable Sanskrit and Roman text — Mandala 8Sanskrit Documents
  2. Rigveda Shakala Samhita, Mandala 8, Sukta 50 — RV 8.50Vedic Heritage Portal, Ministry of Culture, Government of India
A clear answer

Frequently asked

What is Sukta 50?

Sukta 50 is a node in the Sanatan Dharma knowledge map. This page places it within its scriptural, philosophical, or living-tradition context and links to its branches, sources, and related paths.