Sukta 49
Complete Rigveda Sukta with 10 mantras in Sanskrit, IAST transliteration, and source-aligned historical English where available.
Complete Rigveda Sukta with 10 mantras in Sanskrit, IAST transliteration, and source-aligned historical English where available.
Depth 4 of 4
Complete Rigveda Sukta with 10 mantras in Sanskrit, IAST transliteration, and source-aligned historical English where available.
Turn pages with the buttons, a swipe, or the left and right arrow keys.
अभि प्र वः सुराधसमिन्द्रमर्च यथा विदे। यो जरितृभ्यो मघवा पुरूवसुः सहस्रेणेव शिक्षति॥
Transliterationabhi pra vaḥ surādhasamindramarca yathā vide | yo jaritṛbhyo maghavā purūvasuḥ sahasreṇeva śikṣati ||
शतानीकेव प्र जिगाति धृष्णुया हन्ति वृत्राणि दाशुषे। गिरेरिव प्र रसा अस्य पिन्विरे दत्राणि पुरुभोजसः॥
Transliterationśatānīkeva pra jigāti dhṛṣṇuyā hanti vṛtrāṇi dāśuṣe | gireriva pra rasā asya pinvire datrāṇi purubhojasaḥ ||
आ त्वा सुतास इन्दवो मदा य इन्द्र गिर्वणः। आपो न वज्रिन्नन्वोक्यं सरः पृणन्ति शूर राधसे॥
Transliterationā tvā sutāsa indavo madā ya indra girvaṇaḥ | āpo na vajrinnanvokyaṁ saraḥ pṛṇanti śūra rādhase ||
अनेहसं प्रतरणं विवक्षणं मध्वः स्वादिष्ठमीं पिब। आ यथा मन्दसानः किरासि नः प्र क्षुद्रेव त्मना धृषत्॥
Transliterationanehasaṁ prataraṇaṁ vivakṣaṇaṁ madhvaḥ svādiṣṭhamīṁ piba | ā yathā mandasānaḥ kirāsi naḥ pra kṣudreva tmanā dhṛṣat ||
आ नः स्तोममुप द्रवद्धियानो अश्वो न सोतृभिः। यं ते स्वधावन्स्वदयन्ति धेनव इन्द्र कण्वेषु रातयः॥
Transliterationā naḥ stomamupa dravaddhiyāno aśvo na sotṛbhiḥ | yaṁ te svadhāvansvadayanti dhenava indra kaṇveṣu rātayaḥ ||
उग्रं न वीरं नमसोप सेदिम विभूतिमक्षितावसुम्। उद्रीव वज्रिन्नवतो न सिञ्चते क्षरन्तीन्द्र धीतयः॥
Transliterationugraṁ na vīraṁ namasopa sedima vibhūtimakṣitāvasum | udrīva vajrinnavato na siñcate kṣarantīndra dhītayaḥ ||
यद्ध नूनं यद्वा यज्ञे यद्वा पृथिव्यामधि। अतो नो यज्ञमाशुभिर्महेमत उग्र उग्रेभिरा गहि॥
Transliterationyaddha nūnaṁ yadvā yajñe yadvā pṛthivyāmadhi | ato no yajñamāśubhirmahemata ugra ugrebhirā gahi ||
अजिरासो हरयो ये त आशवो वाता इव प्रसक्षिणः। येभिरपत्यं मनुषः परीयसे येभिर्विश्वं स्वर्दृशे॥
Transliterationajirāso harayo ye ta āśavo vātā iva prasakṣiṇaḥ | yebhirapatyaṁ manuṣaḥ parīyase yebhirviśvaṁ svardṛśe ||
एतावतस्त ईमह इन्द्र सुम्नस्य गोमतः। यथा प्रावो मघवन्मेध्यातिथिं यथा नीपातिथिं धने॥
Transliterationetāvatasta īmaha indra sumnasya gomataḥ | yathā prāvo maghavanmedhyātithiṁ yathā nīpātithiṁ dhane ||
यथा कण्वे मघवन्त्रसदस्यवि यथा पक्थे दशव्रजे। यथा गोशर्ये असनोरृजिश्वनीन्द्र गोमद्धिरण्यवत्॥
Transliterationyathā kaṇve maghavantrasadasyavi yathā pakthe daśavraje | yathā gośarye asanorṛjiśvanīndra gomaddhiraṇyavat ||
Sukta 49 is a node in the Sanatan Dharma knowledge map. This page places it within its scriptural, philosophical, or living-tradition context and links to its branches, sources, and related paths.