Sukta 51
Complete Rigveda Sukta with 10 mantras in Sanskrit, IAST transliteration, and source-aligned historical English where available.
Complete Rigveda Sukta with 10 mantras in Sanskrit, IAST transliteration, and source-aligned historical English where available.
Depth 4 of 4
Complete Rigveda Sukta with 10 mantras in Sanskrit, IAST transliteration, and source-aligned historical English where available.
Turn pages with the buttons, a swipe, or the left and right arrow keys.
यथा मनौ सांवरणौ सोममिन्द्रापिबः सुतम्। नीपातिथौ मघवन्मेध्यातिथौ पुष्टिगौ श्रुष्टिगौ सचा॥
Transliterationyathā manau sāṁvaraṇau somamindrāpibaḥ sutam | nīpātithau maghavanmedhyātithau puṣṭigau śruṣṭigau sacā ||
पार्षद्वाणः प्रस्कण्वं समसादयच्छयानं जिव्रिमुद्धितम्। सहस्राण्यसिषासद्गवामृषिस्त्वोतो दस्यवे वृकः॥
Transliterationpārṣadvāṇaḥ praskaṇvaṁ samasādayacchayānaṁ jivrimuddhitam | sahasrāṇyasiṣāsadgavāmṛṣistvoto dasyave vṛkaḥ ||
य उक्थेभिर्न विन्धते चिकिद्य ऋषिचोदनः। इन्द्रं तमच्छा वद नव्यस्या मत्यरिष्यन्तं न भोजसे॥
Transliterationya ukthebhirna vindhate cikidya ṛṣicodanaḥ | indraṁ tamacchā vada navyasyā matyariṣyantaṁ na bhojase ||
यस्मा अर्कं सप्तशीर्षाणमानृचुस्त्रिधातुमुत्तमे पदे। स त्विमा विश्वा भुवनानि चिक्रददादिज्जनिष्ट पौंस्यम्॥
Transliterationyasmā arkaṁ saptaśīrṣāṇamānṛcustridhātumuttame pade | sa tvimā viśvā bhuvanāni cikradadādijjaniṣṭa pauṁsyam ||
यो नो दाता वसूनामिन्द्रं तं हूमहे वयम्। विद्मा ह्यस्य सुमतिं नवीयसीं गमेम गोमति व्रजे॥
Transliterationyo no dātā vasūnāmindraṁ taṁ hūmahe vayam | vidmā hyasya sumatiṁ navīyasīṁ gamema gomati vraje ||
यस्मै त्वं वसो दानाय शिक्षसि स रायस्पोषमश्नुते। तं त्वा वयं मघवन्निन्द्र गिर्वणः सुतावन्तो हवामहे॥
Transliterationyasmai tvaṁ vaso dānāya śikṣasi sa rāyaspoṣamaśnute | taṁ tvā vayaṁ maghavannindra girvaṇaḥ sutāvanto havāmahe ||
कदा चन स्तरीरसि नेन्द्र सश्चसि दाशुषे। उपोपेन्नु मघवन्भूय इन्नु ते दानं देवस्य पृच्यते॥
Transliterationkadā cana starīrasi nendra saścasi dāśuṣe | upopennu maghavanbhūya innu te dānaṁ devasya pṛcyate ||
प्र यो ननक्षे अभ्योजसा क्रिविं वधैः शुष्णं निघोषयन्। यदेदस्तम्भीत्प्रथयन्नमूं दिवमादिज्जनिष्ट पार्थिवः॥
Transliterationpra yo nanakṣe abhyojasā kriviṁ vadhaiḥ śuṣṇaṁ nighoṣayan | yadedastambhītprathayannamūṁ divamādijjaniṣṭa pārthivaḥ ||
यस्यायं विश्व आर्यो दासः शेवधिपा अरिः। तिरश्चिदर्ये रुशमे परीरवि तुभ्येत्सो अज्यते रयिः॥
Transliterationyasyāyaṁ viśva āryo dāsaḥ śevadhipā ariḥ | tiraścidarye ruśame parīravi tubhyetso ajyate rayiḥ ||
तुरण्यवो मधुमन्तं घृतश्चुतं विप्रासो अर्कमानृचुः। अस्मे रयिः पप्रथे वृष्ण्यं शवोऽस्मे सुवानास इन्दवः॥
Transliterationturaṇyavo madhumantaṁ ghṛtaścutaṁ viprāso arkamānṛcuḥ | asme rayiḥ paprathe vṛṣṇyaṁ śavo'sme suvānāsa indavaḥ ||
Sukta 51 is a node in the Sanatan Dharma knowledge map. This page places it within its scriptural, philosophical, or living-tradition context and links to its branches, sources, and related paths.