सूक्त ७७
11 मन्त्रों वाला सम्पूर्ण ऋग्वेद सूक्त: संस्कृत पाठ, IAST लिप्यन्तरण और उपलब्ध स्रोत-संगत ऐतिहासिक अंग्रेज़ी अनुवाद।
11 मन्त्रों वाला सम्पूर्ण ऋग्वेद सूक्त: संस्कृत पाठ, IAST लिप्यन्तरण और उपलब्ध स्रोत-संगत ऐतिहासिक अंग्रेज़ी अनुवाद।
गहराई 4 / 4
11 मन्त्रों वाला सम्पूर्ण ऋग्वेद सूक्त: संस्कृत पाठ, IAST लिप्यन्तरण और उपलब्ध स्रोत-संगत ऐतिहासिक अंग्रेज़ी अनुवाद।
बटन, स्वाइप या बाएँ-दाएँ तीर कुंजियों से पृष्ठ पलटें।
जज्ञानो नु शतक्रतुर्वि पृच्छदिति मातरम्। क उग्राः के ह शृण्विरे॥
लिप्यन्तरणjajñāno nu śatakraturvi pṛcchaditi mātaram | ka ugrāḥ ke ha śṛṇvire ||
आदीं शवस्यब्रवीदौर्णवाभमहीशुवम्। ते पुत्र सन्तु निष्टुरः॥
लिप्यन्तरणādīṁ śavasyabravīdaurṇavābhamahīśuvam | te putra santu niṣṭuraḥ ||
समित्तान्वृत्रहाखिदत्खे अराँ इव खेदया। प्रवृद्धो दस्युहाभवत्॥
लिप्यन्तरणsamittānvṛtrahākhidatkhe arā iva khedayā | pravṛddho dasyuhābhavat ||
एकया प्रतिधापिबत्साकं सरांसि त्रिंशतम्। इन्द्रः सोमस्य काणुका॥
लिप्यन्तरणekayā pratidhāpibatsākaṁ sarāṁsi triṁśatam | indraḥ somasya kāṇukā ||
अभि गन्धर्वमतृणदबुध्नेषु रजस्स्वा। इन्द्रो ब्रह्मभ्य इद्वृधे॥
लिप्यन्तरणabhi gandharvamatṛṇadabudhneṣu rajassvā | indro brahmabhya idvṛdhe ||
निराविध्यद्गिरिभ्य आ धारयत्पक्वमोदनम्। इन्द्रो बुन्दं स्वाततम्॥
लिप्यन्तरणnirāvidhyadgiribhya ā dhārayatpakvamodanam | indro bundaṁ svātatam ||
शतब्रध्न इषुस्तव सहस्रपर्ण एक इत्। यमिन्द्र चकृषे युजम्॥
लिप्यन्तरणśatabradhna iṣustava sahasraparṇa eka it | yamindra cakṛṣe yujam ||
तेन स्तोतृभ्य आ भर नृभ्यो नारिभ्यो अत्तवे। सद्यो जात ऋभुष्ठिर॥
लिप्यन्तरणtena stotṛbhya ā bhara nṛbhyo nāribhyo attave | sadyo jāta ṛbhuṣṭhira ||
एता च्यौत्नानि ते कृता वर्षिष्ठानि परीणसा। हृदा वीड्वधारयः॥
लिप्यन्तरणetā cyautnāni te kṛtā varṣiṣṭhāni parīṇasā | hṛdā vīḍvadhārayaḥ ||
विश्वेत्ता विष्णुराभरदुरुक्रमस्त्वेषितः। शतं महिषान्क्षीरपाकमोदनं वराहमिन्द्र एमुषम्॥
लिप्यन्तरणviśvettā viṣṇurābharadurukramastveṣitaḥ | śataṁ mahiṣānkṣīrapākamodanaṁ varāhamindra emuṣam ||
तुविक्षं ते सुकृतं सूमयं धनुः साधुर्बुन्दो हिरण्ययः। उभा ते बाहू रण्या सुसंस्कृत ऋदूपे चिदृदूवृधा॥
लिप्यन्तरणtuvikṣaṁ te sukṛtaṁ sūmayaṁ dhanuḥ sādhurbundo hiraṇyayaḥ | ubhā te bāhū raṇyā susaṁskṛta ṛdūpe cidṛdūvṛdhā ||
सूक्त ७७ सनातन धर्म ज्ञान-मानचित्र का एक बिन्दु है। यह पृष्ठ इसे उसके शास्त्रीय, दार्शनिक या जीवंत परम्परा के सन्दर्भ में रखता है और इसकी शाखाओं, स्रोतों तथा सम्बन्धित मार्गों से जोड़ता है।