सूक्त ५५

भूरीदिन्द्रस्य वीर्यं व्यख्यमभ्यायति। राधस्ते दस्यवे वृक॥

bhūrīdindrasya vīryaṁ vyakhyamabhyāyati | rādhaste dasyave vṛka ||

शतं श्वेतास उक्षणो दिवि तारो न रोचन्ते। मह्ना दिवं न तस्तभुः॥

śataṁ śvetāsa ukṣaṇo divi tāro na rocante | mahnā divaṁ na tastabhuḥ ||

शतं वेणूञ्छतं शुनः शतं चर्माणि म्लातानि। शतं मे बल्बजस्तुका अरुषीणां चतुःशतम्॥

śataṁ veṇūñchataṁ śunaḥ śataṁ carmāṇi mlātāni | śataṁ me balbajastukā aruṣīṇāṁ catuḥśatam ||

सुदेवाः स्थ काण्वायना वयोवयो विचरन्तः। अश्वासो न चङ्क्रमत॥

sudevāḥ stha kāṇvāyanā vayovayo vicarantaḥ | aśvāso na caṅkramata ||

आदित्साप्तस्य चर्किरन्नानूनस्य महि श्रवः। श्यावीरतिध्वसन्पथश्चक्षुषा चन संनशे॥

āditsāptasya carkirannānūnasya mahi śravaḥ | śyāvīratidhvasanpathaścakṣuṣā cana saṁnaśe ||