सूक्त ३२

इन्द्रस्य नु वीर्याणि प्र वोचं यानि चकार प्रथमानि वज्री। अहन्नहिमन्वपस्ततर्द प्र वक्षणा अभिनत्पर्वतानाम्॥

indrasya nu vīryāṇi pra vocaṁ yāni cakāra prathamāni vajrī | ahannahimanvapastatarda pra vakṣaṇā abhinatparvatānām ||

I WILL declare the manly deeds of Indra, the first that he achieved, the Thunder-wielder. He slew the Dragon, then disclosed the waters, and cleft the channels of the mountain torrents.

अहन्नहिं पर्वते शिश्रियाणं त्वष्टास्मै वज्रं स्वर्यं ततक्ष। वाश्रा इव धेनवः स्यन्दमाना अञ्जः समुद्रमव जग्मुरापः॥

ahannahiṁ parvate śiśriyāṇaṁ tvaṣṭāsmai vajraṁ svaryaṁ tatakṣa | vāśrā iva dhenavaḥ syandamānā añjaḥ samudramava jagmurāpaḥ ||

He slew the Dragon lying on the mountain: his heavenly bolt of thunder Tvastar fashioned. Like lowing kine in rapid flow descending the waters glided downward to the ocean.

वृषायमाणोऽवृणीत सोमं त्रिकद्रुकेष्वपिबत्सुतस्य। आ सायकं मघवादत्त वज्रमहन्नेनं प्रथमजामहीनाम्॥

vṛṣāyamāṇo'vṛṇīta somaṁ trikadrukeṣvapibatsutasya | ā sāyakaṁ maghavādatta vajramahannenaṁ prathamajāmahīnām ||

Impetuous as a bull, he chose the Soma and in three sacred beakers drank the juices. Maghavan grasped the thunder for his weapon, and smote to death this firstborn of the dragons.

यदिन्द्राहन्प्रथमजामहीनामान्मायिनाममिनाः प्रोत मायाः। आत्सूर्यं जनयन्द्यामुषासं तादीत्ना शत्रुं न किला विवित्से॥

yadindrāhanprathamajāmahīnāmānmāyināmamināḥ prota māyāḥ | ātsūryaṁ janayandyāmuṣāsaṁ tādītnā śatruṁ na kilā vivitse ||

When, Indra, thou hadst slain the dragon's firstborn, and overcome the charms of the enchanters, Then, giving life to Sun and Dawn and Heaven, thou foundest not one foe to stand against thee.

अहन्वृत्रं वृत्रतरं व्यंसमिन्द्रो वज्रेण महता वधेन। स्कन्धांसीव कुलिशेना विवृक्णाहिः शयत उपपृक्पृथिव्याः॥

ahanvṛtraṁ vṛtrataraṁ vyaṁsamindro vajreṇa mahatā vadhena | skandhāṁsīva kuliśenā vivṛkṇāhiḥ śayata upapṛkpṛthivyāḥ ||

Indra with his own great and deadly thunder smote into pieces Vrtra, worst of Vrtras. As trunks of trees, what time the axe hath felled them, low on the earth so lies the prostrate Dragon.

अयोद्धेव दुर्मद आ हि जुह्वे महावीरं तुविबाधमृजीषम्। नातारीदस्य समृतिं वधानां सं रुजानाः पिपिष इन्द्रशत्रुः॥

ayoddheva durmada ā hi juhve mahāvīraṁ tuvibādhamṛjīṣam | nātārīdasya samṛtiṁ vadhānāṁ saṁ rujānāḥ pipiṣa indraśatruḥ ||

He, like a mad weak warrior, challenged Indra, the great impetuous many-slaying Hero. He. brooking not the clashing of the weapons, crushed-Indra's foe-the shattered forts in falling.

अपादहस्तो अपृतन्यदिन्द्रमास्य वज्रमधि सानौ जघान। वृष्णो वध्रिः प्रतिमानं बुभूषन्पुरुत्रा वृत्रो अशयद्व्यस्तः॥

apādahasto apṛtanyadindramāsya vajramadhi sānau jaghāna | vṛṣṇo vadhriḥ pratimānaṁ bubhūṣanpurutrā vṛtro aśayadvyastaḥ ||

Footless and handless still he challenged Indra, who smote him with his bolt between the shoulders. Emasculate yet claiming manly vigour, thus Vrtra lay with scattered limbs dissevered.

नदं न भिन्नममुया शयानं मनो रुहाणा अति यन्त्यापः। याश्चिद्वृत्रो महिना पर्यतिष्ठत्तासामहिः पत्सुतःशीर्बभूव॥

nadaṁ na bhinnamamuyā śayānaṁ mano ruhāṇā ati yantyāpaḥ | yāścidvṛtro mahinā paryatiṣṭhattāsāmahiḥ patsutaḥśīrbabhūva ||

There as he lies like a bank-bursting river, the waters taking courage flow above him. The Dragon lies beneath the feet of torrents which Vrtra with his greatness had encompassed.

नीचावया अभवद्वृत्रपुत्रेन्द्रो अस्या अव वधर्जभार। उत्तरा सूरधरः पुत्र आसीद्दानुः शये सहवत्सा न धेनुः॥

nīcāvayā abhavadvṛtraputrendro asyā ava vadharjabhāra | uttarā sūradharaḥ putra āsīddānuḥ śaye sahavatsā na dhenuḥ ||

Then humbled was the strength of Vrtra's mother: Indra hath cast his deadly bolt against her. The mother was above, the son was under and like a cow beside her calf lay Danu.

अतिष्ठन्तीनामनिवेशनानां काष्ठानां मध्ये निहितं शरीरम्। वृत्रस्य निण्यं वि चरन्त्यापो दीर्घं तम आशयदिन्द्रशत्रुः॥

atiṣṭhantīnāmaniveśanānāṁ kāṣṭhānāṁ madhye nihitaṁ śarīram | vṛtrasya niṇyaṁ vi carantyāpo dīrghaṁ tama āśayadindraśatruḥ ||

Rolled in the midst of never-ceasing currents flowing without a rest for ever onward. The waters bear off Vrtra's nameless body: the foe of Indra sank to during darkness.

दासपत्नीरहिगोपा अतिष्ठन्निरुद्धा आपः पणिनेव गावः। अपां बिलमपिहितं यदासीद्वृत्रं जघन्वाँ अप तद्ववार॥

dāsapatnīrahigopā atiṣṭhanniruddhā āpaḥ paṇineva gāvaḥ | apāṁ bilamapihitaṁ yadāsīdvṛtraṁ jaghanvā apa tadvavāra ||

Guarded by Ahi stood the thralls of Dasas, the waters stayed like kine held by the robber. But he, when he had smitten Vrtra, opened the cave wherein the floods had been imprisoned.

अश्व्यो वारो अभवस्तदिन्द्र सृके यत्त्वा प्रत्यहन्देव एकः। अजयो गा अजयः शूर सोममवासृजः सर्तवे सप्त सिन्धून्॥

aśvyo vāro abhavastadindra sṛke yattvā pratyahandeva ekaḥ | ajayo gā ajayaḥ śūra somamavāsṛjaḥ sartave sapta sindhūn ||

A horse's tail wast thou when he, O Indra, smote on thy bolt; thou, God without a second, Thou hast won back the kine, hast won the Soma; thou hast let loose to flow the Seven Rivers.

नास्मै विद्युन्न तन्यतुः सिषेध न यां मिहमकिरद्ध्रादुनिं च। इन्द्रश्च यद्युयुधाते अहिश्चोतापरीभ्यो मघवा वि जिग्ये॥

nāsmai vidyunna tanyatuḥ siṣedha na yāṁ mihamakiraddhrāduniṁ ca | indraśca yadyuyudhāte ahiścotāparībhyo maghavā vi jigye ||

Nothing availed him lightning, nothing thunder, hailstorm or mist which had spread around him: When Indra and the Dragon strove in battle, Maghavan gained the victory for ever.

अहेर्यातारं कमपश्य इन्द्र हृदि यत्ते जघ्नुषो भीरगच्छत्। नव च यन्नवतिं च स्रवन्तीः श्येनो न भीतो अतरो रजांसि॥

aheryātāraṁ kamapaśya indra hṛdi yatte jaghnuṣo bhīragacchat | nava ca yannavatiṁ ca sravantīḥ śyeno na bhīto ataro rajāṁsi ||

Whom sawest thou to avenge the Dragon, Indra, that fear possessed thy heart when thou hadst slain him; That, like a hawk affrighted through the regions, thou crossedst nine-and-ninety flowing rivers?

इन्द्रो यातोऽवसितस्य राजा शमस्य च शृङ्गिणो वज्रबाहुः। सेदु राजा क्षयति चर्षणीनामरान्न नेमिः परि ता बभूव॥

indro yāto'vasitasya rājā śamasya ca śṛṅgiṇo vajrabāhuḥ | sedu rājā kṣayati carṣaṇīnāmarānna nemiḥ pari tā babhūva ||

Indra is King of all that moves and moves not, of creatures tame and horned, the Thunder-wielder. Over all living men he rules as Sovran, containing all as spokes within the felly.