Sukta 31

प्र सोमासः स्वाध्यः पवमानासो अक्रमुः। रयिं कृण्वन्ति चेतनम्॥

pra somāsaḥ svādhyaḥ pavamānāso akramuḥ | rayiṁ kṛṇvanti cetanam ||

THE, Soma-drops, benevolent, come forth as they are purified, Bestowing wealth which all may see.

दिवस्पृथिव्या अधि भवेन्दो द्युम्नवर्धनः। भवा वाजानां पतिः॥

divaspṛthivyā adhi bhavendo dyumnavardhanaḥ | bhavā vājānāṁ patiḥ ||

O Indu, high o'er heaven and earth be thou, increaser of our might: The Master of all strength be thou.

तुभ्यं वाता अभिप्रियस्तुभ्यमर्षन्ति सिन्धवः। सोम वर्धन्ति ते महः॥

tubhyaṁ vātā abhipriyastubhyamarṣanti sindhavaḥ | soma vardhanti te mahaḥ ||

The winds are gracious in their love to thee, the rivers flow to thee Soma, they multiply thy power.

आ प्यायस्व समेतु ते विश्वतः सोम वृष्ण्यम्। भवा वाजस्य संगथे॥

ā pyāyasva sametu te viśvataḥ soma vṛṣṇyam | bhavā vājasya saṁgathe ||

Soma, wax great. From every side may vigorous powers unite in thee: Be in the gathering-Place of strength.

तुभ्यं गावो घृतं पयो बभ्रो दुदुह्रे अक्षितम्। वर्षिष्ठे अधि सानवि॥

tubhyaṁ gāvo ghṛtaṁ payo babhro duduhre akṣitam | varṣiṣṭhe adhi sānavi ||

For thee, brown-hued! the kine have poured imperishable oil and milk. Aloft on the sublimest height.

स्वायुधस्य ते सतो भुवनस्य पते वयम्। इन्दो सखित्वमुश्मसि॥

svāyudhasya te sato bhuvanasya pate vayam | indo sakhitvamuśmasi ||

Friendship, O Indu, we desire with thee who bearest noble arms, With thee, O Lord of all that is.