Sukta 87
Complete Rigveda Sukta with 6 mantras in Sanskrit, IAST transliteration, and source-aligned historical English where available.
Complete Rigveda Sukta with 6 mantras in Sanskrit, IAST transliteration, and source-aligned historical English where available.
Depth 4 of 4
Complete Rigveda Sukta with 6 mantras in Sanskrit, IAST transliteration, and source-aligned historical English where available.
Turn pages with the buttons, a swipe, or the left and right arrow keys.
द्युम्नी वां स्तोमो अश्विना क्रिविर्न सेक आ गतम्। मध्वः सुतस्य स दिवि प्रियो नरा पातं गौराविवेरिणे॥
Transliterationdyumnī vāṁ stomo aśvinā krivirna seka ā gatam | madhvaḥ sutasya sa divi priyo narā pātaṁ gaurāviveriṇe ||
पिबतं घर्मं मधुमन्तमश्विना बर्हिः सीदतं नरा। ता मन्दसाना मनुषो दुरोण आ नि पातं वेदसा वयः॥
Transliterationpibataṁ gharmaṁ madhumantamaśvinā barhiḥ sīdataṁ narā | tā mandasānā manuṣo duroṇa ā ni pātaṁ vedasā vayaḥ ||
आ वां विश्वाभिरूतिभिः प्रियमेधा अहूषत। ता वर्तिर्यातमुप वृक्तबर्हिषो जुष्टं यज्ञं दिविष्टिषु॥
Transliterationā vāṁ viśvābhirūtibhiḥ priyamedhā ahūṣata | tā vartiryātamupa vṛktabarhiṣo juṣṭaṁ yajñaṁ diviṣṭiṣu ||
पिबतं सोमं मधुमन्तमश्विना बर्हिः सीदतं सुमत्। ता वावृधाना उप सुष्टुतिं दिवो गन्तं गौराविवेरिणम्॥
Transliterationpibataṁ somaṁ madhumantamaśvinā barhiḥ sīdataṁ sumat | tā vāvṛdhānā upa suṣṭutiṁ divo gantaṁ gaurāviveriṇam ||
आ नूनं यातमश्विनाश्वेभिः प्रुषितप्सुभिः। दस्रा हिरण्यवर्तनी शुभस्पती पातं सोममृतावृधा॥
Transliterationā nūnaṁ yātamaśvināśvebhiḥ pruṣitapsubhiḥ | dasrā hiraṇyavartanī śubhaspatī pātaṁ somamṛtāvṛdhā ||
वयं हि वां हवामहे विपन्यवो विप्रासो वाजसातये। ता वल्गू दस्रा पुरुदंससा धियाश्विना श्रुष्ट्या गतम्॥
Transliterationvayaṁ hi vāṁ havāmahe vipanyavo viprāso vājasātaye | tā valgū dasrā purudaṁsasā dhiyāśvinā śruṣṭyā gatam ||
Sukta 87 is a node in the Sanatan Dharma knowledge map. This page places it within its scriptural, philosophical, or living-tradition context and links to its branches, sources, and related paths.