Sukta 71
Complete Rigveda Sukta with 15 mantras in Sanskrit, IAST transliteration, and source-aligned historical English where available.
Complete Rigveda Sukta with 15 mantras in Sanskrit, IAST transliteration, and source-aligned historical English where available.
Depth 4 of 4
Complete Rigveda Sukta with 15 mantras in Sanskrit, IAST transliteration, and source-aligned historical English where available.
Turn pages with the buttons, a swipe, or the left and right arrow keys.
त्वं नो अग्ने महोभिः पाहि विश्वस्या अरातेः। उत द्विषो मर्त्यस्य॥
Transliterationtvaṁ no agne mahobhiḥ pāhi viśvasyā arāteḥ | uta dviṣo martyasya ||
नहि मन्युः पौरुषेय ईशे हि वः प्रियजात। त्वमिदसि क्षपावान्॥
Transliterationnahi manyuḥ pauruṣeya īśe hi vaḥ priyajāta | tvamidasi kṣapāvān ||
स नो विश्वेभिर्देवेभिरूर्जो नपाद्भद्रशोचे। रयिं देहि विश्ववारम्॥
Transliterationsa no viśvebhirdevebhirūrjo napādbhadraśoce | rayiṁ dehi viśvavāram ||
न तमग्ने अरातयो मर्तं युवन्त रायः। यं त्रायसे दाश्वांसम्॥
Transliterationna tamagne arātayo martaṁ yuvanta rāyaḥ | yaṁ trāyase dāśvāṁsam ||
यं त्वं विप्र मेधसातावग्ने हिनोषि धनाय। स तवोती गोषु गन्ता॥
Transliterationyaṁ tvaṁ vipra medhasātāvagne hinoṣi dhanāya | sa tavotī goṣu gantā ||
त्वं रयिं पुरुवीरमग्ने दाशुषे मर्ताय। प्र णो नय वस्यो अच्छ॥
Transliterationtvaṁ rayiṁ puruvīramagne dāśuṣe martāya | pra ṇo naya vasyo accha ||
उरुष्या णो मा परा दा अघायते जातवेदः। दुराध्ये मर्ताय॥
Transliterationuruṣyā ṇo mā parā dā aghāyate jātavedaḥ | durādhye martāya ||
अग्ने माकिष्टे देवस्य रातिमदेवो युयोत। त्वमीशिषे वसूनाम्॥
Transliterationagne mākiṣṭe devasya rātimadevo yuyota | tvamīśiṣe vasūnām ||
स नो वस्व उप मास्यूर्जो नपान्माहिनस्य। सखे वसो जरितृभ्यः॥
Transliterationsa no vasva upa māsyūrjo napānmāhinasya | sakhe vaso jaritṛbhyaḥ ||
अच्छा नः शीरशोचिषं गिरो यन्तु दर्शतम्। अच्छा यज्ञासो नमसा पुरूवसुं पुरुप्रशस्तमूतये॥
Transliterationacchā naḥ śīraśociṣaṁ giro yantu darśatam | acchā yajñāso namasā purūvasuṁ purupraśastamūtaye ||
अग्निं सूनुं सहसो जातवेदसं दानाय वार्याणाम्। द्विता यो भूदमृतो मर्त्येष्वा होता मन्द्रतमो विशि॥
Transliterationagniṁ sūnuṁ sahaso jātavedasaṁ dānāya vāryāṇām | dvitā yo bhūdamṛto martyeṣvā hotā mandratamo viśi ||
अग्निं वो देवयज्ययाग्निं प्रयत्यध्वरे। अग्निं धीषु प्रथममग्निमर्वत्यग्निं क्षैत्राय साधसे॥
Transliterationagniṁ vo devayajyayāgniṁ prayatyadhvare | agniṁ dhīṣu prathamamagnimarvatyagniṁ kṣaitrāya sādhase ||
अग्निरिषां सख्ये ददातु न ईशे यो वार्याणाम्। अग्निं तोके तनये शश्वदीमहे वसुं सन्तं तनूपाम्॥
Transliterationagniriṣāṁ sakhye dadātu na īśe yo vāryāṇām | agniṁ toke tanaye śaśvadīmahe vasuṁ santaṁ tanūpām ||
अग्निमीळिष्वावसे गाथाभिः शीरशोचिषम्। अग्निं राये पुरुमीळ्ह श्रुतं नरोऽग्निं सुदीतये छर्दिः॥
Transliterationagnimīḻiṣvāvase gāthābhiḥ śīraśociṣam | agniṁ rāye purumīḻha śrutaṁ naro'gniṁ sudītaye chardiḥ ||
अग्निं द्वेषो योतवै नो गृणीमस्यग्निं शं योश्च दातवे। विश्वासु विक्ष्ववितेव हव्यो भुवद्वस्तुरृषूणाम्॥
Transliterationagniṁ dveṣo yotavai no gṛṇīmasyagniṁ śaṁ yośca dātave | viśvāsu vikṣvaviteva havyo bhuvadvasturṛṣūṇām ||
Sukta 71 is a node in the Sanatan Dharma knowledge map. This page places it within its scriptural, philosophical, or living-tradition context and links to its branches, sources, and related paths.