Sukta 68
Complete Rigveda Sukta with 19 mantras in Sanskrit, IAST transliteration, and source-aligned historical English where available.
Complete Rigveda Sukta with 19 mantras in Sanskrit, IAST transliteration, and source-aligned historical English where available.
Depth 4 of 4
Complete Rigveda Sukta with 19 mantras in Sanskrit, IAST transliteration, and source-aligned historical English where available.
Turn pages with the buttons, a swipe, or the left and right arrow keys.
आ त्वा रथं यथोतये सुम्नाय वर्तयामसि। तुविकूर्मिमृतीषहमिन्द्र शविष्ठ सत्पते॥
Transliterationā tvā rathaṁ yathotaye sumnāya vartayāmasi | tuvikūrmimṛtīṣahamindra śaviṣṭha satpate ||
तुविशुष्म तुविक्रतो शचीवो विश्वया मते। आ पप्राथ महित्वना॥
Transliterationtuviśuṣma tuvikrato śacīvo viśvayā mate | ā paprātha mahitvanā ||
यस्य ते महिना महः परि ज्मायन्तमीयतुः। हस्ता वज्रं हिरण्ययम्॥
Transliterationyasya te mahinā mahaḥ pari jmāyantamīyatuḥ | hastā vajraṁ hiraṇyayam ||
विश्वानरस्य वस्पतिमनानतस्य शवसः। एवैश्च चर्षणीनामूती हुवे रथानाम्॥
Transliterationviśvānarasya vaspatimanānatasya śavasaḥ | evaiśca carṣaṇīnāmūtī huve rathānām ||
अभिष्टये सदावृधं स्वर्मीळ्हेषु यं नरः। नाना हवन्त ऊतये॥
Transliterationabhiṣṭaye sadāvṛdhaṁ svarmīḻheṣu yaṁ naraḥ | nānā havanta ūtaye ||
परोमात्रमृचीषममिन्द्रमुग्रं सुराधसम्। ईशानं चिद्वसूनाम्॥
Transliterationparomātramṛcīṣamamindramugraṁ surādhasam | īśānaṁ cidvasūnām ||
तंतमिद्राधसे मह इन्द्रं चोदामि पीतये। यः पूर्व्यामनुष्टुतिमीशे कृष्टीनां नृतुः॥
Transliterationtaṁtamidrādhase maha indraṁ codāmi pītaye | yaḥ pūrvyāmanuṣṭutimīśe kṛṣṭīnāṁ nṛtuḥ ||
न यस्य ते शवसान सख्यमानंश मर्त्यः। नकिः शवांसि ते नशत्॥
Transliterationna yasya te śavasāna sakhyamānaṁśa martyaḥ | nakiḥ śavāṁsi te naśat ||
त्वोतासस्त्वा युजाप्सु सूर्ये महद्धनम्। जयेम पृत्सु वज्रिवः॥
Transliterationtvotāsastvā yujāpsu sūrye mahaddhanam | jayema pṛtsu vajrivaḥ ||
तं त्वा यज्ञेभिरीमहे तं गीर्भिर्गिर्वणस्तम। इन्द्र यथा चिदाविथ वाजेषु पुरुमाय्यम्॥
Transliterationtaṁ tvā yajñebhirīmahe taṁ gīrbhirgirvaṇastama | indra yathā cidāvitha vājeṣu purumāyyam ||
यस्य ते स्वादु सख्यं स्वाद्वी प्रणीतिरद्रिवः। यज्ञो वितन्तसाय्यः॥
Transliterationyasya te svādu sakhyaṁ svādvī praṇītiradrivaḥ | yajño vitantasāyyaḥ ||
उरु णस्तन्वे तन उरु क्षयाय नस्कृधि। उरु णो यन्धि जीवसे॥
Transliterationuru ṇastanve tana uru kṣayāya naskṛdhi | uru ṇo yandhi jīvase ||
उरुं नृभ्य उरुं गव उरुं रथाय पन्थाम्। देववीतिं मनामहे॥
Transliterationuruṁ nṛbhya uruṁ gava uruṁ rathāya panthām | devavītiṁ manāmahe ||
उप मा षड्द्वाद्वा नरः सोमस्य हर्ष्या। तिष्ठन्ति स्वादुरातयः॥
Transliterationupa mā ṣaḍdvādvā naraḥ somasya harṣyā | tiṣṭhanti svādurātayaḥ ||
ऋज्राविन्द्रोत आ ददे हरी ऋक्षस्य सूनवि। आश्वमेधस्य रोहिता॥
Transliterationṛjrāvindrota ā dade harī ṛkṣasya sūnavi | āśvamedhasya rohitā ||
सुरथाँ आतिथिग्वे स्वभीशूँरार्क्षे। आश्वमेधे सुपेशसः॥
Transliterationsurathā ātithigve svabhīśūrārkṣe | āśvamedhe supeśasaḥ ||
षळश्वाँ आतिथिग्व इन्द्रोते वधूमतः। सचा पूतक्रतौ सनम्॥
Transliterationṣaḻaśvā ātithigva indrote vadhūmataḥ | sacā pūtakratau sanam ||
ऐषु चेतद्वृषण्वत्यन्तरृज्रेष्वरुषी। स्वभीशुः कशावती॥
Transliterationaiṣu cetadvṛṣaṇvatyantarṛjreṣvaruṣī | svabhīśuḥ kaśāvatī ||
न युष्मे वाजबन्धवो निनित्सुश्चन मर्त्यः। अवद्यमधि दीधरत्॥
Transliterationna yuṣme vājabandhavo ninitsuścana martyaḥ | avadyamadhi dīdharat ||
Sukta 68 is a node in the Sanatan Dharma knowledge map. This page places it within its scriptural, philosophical, or living-tradition context and links to its branches, sources, and related paths.