Sukta 63

उद्वेति सुभगो विश्वचक्षाः साधारणः सूर्यो मानुषाणाम्। चक्षुर्मित्रस्य वरुणस्य देवश्चर्मेव यः समविव्यक्तमांसि॥

udveti subhago viśvacakṣāḥ sādhāraṇaḥ sūryo mānuṣāṇām | cakṣurmitrasya varuṇasya devaścarmeva yaḥ samavivyaktamāṁsi ||

COMMON to all mankind, auspicious Surya, he who beholdeth all, is mounting upward; The God, the eye of Varuna and Mitra, who rolled up darkness like a piece of leather.

उद्वेति प्रसवीता जनानां महान्केतुरर्णवः सूर्यस्य। समानं चक्रं पर्याविवृत्सन्यदेतशो वहति धूर्षु युक्तः॥

udveti prasavītā janānāṁ mahānketurarṇavaḥ sūryasya | samānaṁ cakraṁ paryāvivṛtsanyadetaśo vahati dhūrṣu yuktaḥ ||

Surya's great ensign, restless as the billow, that urgeth men to action, is advancing: Onward he still would roll the wheel well-rounded, which Etasa, harnessed to the car-pole, moveth.

विभ्राजमान उषसामुपस्थाद्रेभैरुदेत्यनुमद्यमानः। एष मे देवः सविता चच्छन्द यः समानं न प्रमिनाति धाम॥

vibhrājamāna uṣasāmupasthādrebhairudetyanumadyamānaḥ | eṣa me devaḥ savitā cacchanda yaḥ samānaṁ na pramināti dhāma ||

Refulgent from the bosom of the Mornings, he in Whom singers take delight ascendeth. This Savitar, God, is my chief joy and pleasure, who breaketh not the universal statute.

दिवो रुक्म उरुचक्षा उदेति दूरेअर्थस्तरणिर्भ्राजमानः। नूनं जनाः सूर्येण प्रसूता अयन्नर्थानि कृणवन्नपांसि॥

divo rukma urucakṣā udeti dūrearthastaraṇirbhrājamānaḥ | nūnaṁ janāḥ sūryeṇa prasūtā ayannarthāni kṛṇavannapāṁsi ||

Golden, far-seeing, from the heaven he riseth: far is his goal, he hasteth on resplendent. Men, verily, inspirited by Surya speed to their aims and do the work assigned them.

यत्रा चक्रुरमृता गातुमस्मै श्येनो न दीयन्नन्वेति पाथः। प्रति वां सूर उदिते विधेम नमोभिर्मित्रावरुणोत हव्यैः॥

yatrā cakruramṛtā gātumasmai śyeno na dīyannanveti pāthaḥ | prati vāṁ sūra udite vidhema namobhirmitrāvaruṇota havyaiḥ ||

Where the irrunortals have prepared his pathway he flieth through the region like a falcon. With homage and oblations will we serve you, O Mitra-Varuna, when the Sun hath risen.

नू मित्रो वरुणो अर्यमा नस्त्मने तोकाय वरिवो दधन्तु। सुगा नो विश्वा सुपथानि सन्तु यूयं पात स्वस्तिभिः सदा नः॥

nū mitro varuṇo aryamā nastmane tokāya varivo dadhantu | sugā no viśvā supathāni santu yūyaṁ pāta svastibhiḥ sadā naḥ ||

Now Mitra, Varuna, Aryaman vouchsafe us freedom and room, for us and for our children. May we find paths all fair and good to travel. Preserve us evermore, ye Gods, with blessings.