Sukta 90

ऋजुनीती नो वरुणो मित्रो नयतु विद्वान्। अर्यमा देवैः सजोषाः॥

ṛjunītī no varuṇo mitro nayatu vidvān | aryamā devaiḥ sajoṣāḥ ||

MAY Varuna with guidance straight, and Mitra lead us, he who knows, And Aryaman in accord with Gods.

ते हि वस्वो वसवानास्ते अप्रमूरा महोभिः। व्रता रक्षन्ते विश्वाहा॥

te hi vasvo vasavānāste apramūrā mahobhiḥ | vratā rakṣante viśvāhā ||

For they are dealers forth of wealth, and, not deluded, with their might Guard evermore the holy laws.

ते अस्मभ्यं शर्म यंसन्नमृता मर्त्येभ्यः। बाधमाना अप द्विषः॥

te asmabhyaṁ śarma yaṁsannamṛtā martyebhyaḥ | bādhamānā apa dviṣaḥ ||

Shelter may they vouchsafe to us, Immortal Gods to mortal men, Chasing our enemies away.

वि नः पथः सुविताय चियन्त्विन्द्रो मरुतः। पूषा भगो वन्द्यासः॥

vi naḥ pathaḥ suvitāya ciyantvindro marutaḥ | pūṣā bhago vandyāsaḥ ||

May they mark out our paths to bliss, Indra, the Maruts, Pusan, and Bhaga, the Gods to be adored.

उत नो धियो गोअग्राः पूषन्विष्णवेवयावः। कर्ता नः स्वस्तिमतः॥

uta no dhiyo goagrāḥ pūṣanviṣṇavevayāvaḥ | kartā naḥ svastimataḥ ||

Yea, Pusan, Visnu, ye who run your course, enrich our hymns with kine; Bless us with all prosperity.

मधु वाता ऋतायते मधु क्षरन्ति सिन्धवः। माध्वीर्नः सन्त्वोषधीः॥

madhu vātā ṛtāyate madhu kṣaranti sindhavaḥ | mādhvīrnaḥ santvoṣadhīḥ ||

The winds waft sweets, the rivers pour sweets for the man who keeps the Law So may the plants be sweet for us.

मधु नक्तमुतोषसो मधुमत्पार्थिवं रजः। मधु द्यौरस्तु नः पिता॥

madhu naktamutoṣaso madhumatpārthivaṁ rajaḥ | madhu dyaurastu naḥ pitā ||

Sweet be the night and sweet the dawns, sweet the terrestrial atmosphere; Sweet be our Father Heaven to us.

मधुमान्नो वनस्पतिर्मधुमाँ अस्तु सूर्यः। माध्वीर्गावो भवन्तु नः॥

madhumānno vanaspatirmadhumā astu sūryaḥ | mādhvīrgāvo bhavantu naḥ ||

May the tall tree be full of sweets for us, and full of sweets the Sun: May our milch-kine be sweet for us.

शं नो मित्रः शं वरुणः शं नो भवत्वर्यमा। शं न इन्द्रो बृहस्पतिः शं नो विष्णुरुरुक्रमः॥

śaṁ no mitraḥ śaṁ varuṇaḥ śaṁ no bhavatvaryamā | śaṁ na indro bṛhaspatiḥ śaṁ no viṣṇururukramaḥ ||

Be Mitra gracious unto us, and Varuna and Aryaman: Indra, Brhaspati be kind, and Visnu of the mighty stride.