सूक्त ४३

यो अत्य इव मृज्यते गोभिर्मदाय हर्यतः। तं गीर्भिर्वासयामसि॥

yo atya iva mṛjyate gobhirmadāya haryataḥ | taṁ gīrbhirvāsayāmasi ||

WE will enrobe with sacred song the Lovely One who, as a Steed, Is decked with milk for rapturous joy.

तं नो विश्वा अवस्युवो गिरः शुम्भन्ति पूर्वथा। इन्दुमिन्द्राय पीतये॥

taṁ no viśvā avasyuvo giraḥ śumbhanti pūrvathā | indumindrāya pītaye ||

All songs of ours desiring grace adorn him in the ancient way, Indu for Indra, for his drink.

पुनानो याति हर्यतः सोमो गीर्भिः परिष्कृतः। विप्रस्य मेध्यातिथेः॥

punāno yāti haryataḥ somo gīrbhiḥ pariṣkṛtaḥ | viprasya medhyātitheḥ ||

Soma flows on when purified, beloved and adorned with songs, Songs of the sage Medhyatithi.

पवमान विदा रयिमस्मभ्यं सोम सुश्रियम्। इन्दो सहस्रवर्चसम्॥

pavamāna vidā rayimasmabhyaṁ soma suśriyam | indo sahasravarcasam ||

O Soma Pavamana, find exceeding glorious wealth for us, Wealth, Indu, fraught with boundless might.

इन्दुरत्यो न वाजसृत्कनिक्रन्ति पवित्र आ। यदक्षारति देवयुः॥

induratyo na vājasṛtkanikranti pavitra ā | yadakṣārati devayuḥ ||

Like courser racing to the prize Indu, the lover of the Gods, Roars, as he passes, in the sieve.

पवस्व वाजसातये विप्रस्य गृणतो वृधे। सोम रास्व सुवीर्यम्॥

pavasva vājasātaye viprasya gṛṇato vṛdhe | soma rāsva suvīryam ||

Flow on thy way to win us strength, to speed the sage who praises thee: Soma, bestow heroic power.