सूक्त २३

सोमा असृग्रमाशवो मधोर्मदस्य धारया। अभि विश्वानि काव्या॥

somā asṛgramāśavo madhormadasya dhārayā | abhi viśvāni kāvyā ||

SWIFT Soma drops have been effused in streams of meath, the gladdening drink, For sacred lore of every kind.

अनु प्रत्नास आयवः पदं नवीयो अक्रमुः। रुचे जनन्त सूर्यम्॥

anu pratnāsa āyavaḥ padaṁ navīyo akramuḥ | ruce jananta sūryam ||

Hither to newer. resting-place the ancient Living Ones are come. They made the Sun that he might shine.

आ पवमान नो भरार्यो अदाशुषो गयम्। कृधि प्रजावतीरिषः॥

ā pavamāna no bharāryo adāśuṣo gayam | kṛdhi prajāvatīriṣaḥ ||

O Pavamana, bring to us the unsacrificing foeman's wealth, And give us food with progeny.

अभि सोमास आयवः पवन्ते मद्यं मदम्। अभि कोशं मधुश्चुतम्॥

abhi somāsa āyavaḥ pavante madyaṁ madam | abhi kośaṁ madhuścutam ||

The living Somas being cleansed diffuse exhilarating drink, Turned to the vat which drips with meath.

सोमो अर्षति धर्णसिर्दधान इन्द्रियं रसम्। सुवीरो अभिशस्तिपाः॥

somo arṣati dharṇasirdadhāna indriyaṁ rasam | suvīro abhiśastipāḥ ||

Soma gows on intelligent, possessing sap and mighty strength, Brave Hero who repels the curse.

इन्द्राय सोम पवसे देवेभ्यः सधमाद्यः। इन्दो वाजं सिषाससि॥

indrāya soma pavase devebhyaḥ sadhamādyaḥ | indo vājaṁ siṣāsasi ||

For Indra, Soma! thou art cleansed, a feast-companion for the Gods: 1ndu, thou fain wilt win us strength

अस्य पीत्वा मदानामिन्द्रो वृत्राण्यप्रति। जघान जघनच्च नु॥

asya pītvā madānāmindro vṛtrāṇyaprati | jaghāna jaghanacca nu ||

When he had drunken draughts of this, Indra smote down resistless foes: Yea, smote them, and shall smite them still.