सूक्त ३७

प्रेदं ब्रह्म वृत्रतूर्येष्वाविथ प्र सुन्वतः शचीपत इन्द्र विश्वाभिरूतिभिः। माध्यंदिनस्य सवनस्य वृत्रहन्ननेद्य पिबा सोमस्य वज्रिवः॥

predaṁ brahma vṛtratūryeṣvāvitha pra sunvataḥ śacīpata indra viśvābhirūtibhiḥ | mādhyaṁdinasya savanasya vṛtrahannanedya pibā somasya vajrivaḥ ||

THIS prayer, and those who shed the juice, in wars with Vrtra thou holpest, Indra, Lord of Strength, with all thy succours. O Vrtra-slayer, from libation poured at noon, drink of the Soma juice, thou blameless Thunderer.

सेहान उग्र पृतना अभि द्रुहः शचीपत इन्द्र विश्वाभिरूतिभिः। माध्यंदिनस्य सवनस्य वृत्रहन्ननेद्य पिबा सोमस्य वज्रिवः॥

sehāna ugra pṛtanā abhi druhaḥ śacīpata indra viśvābhirūtibhiḥ | mādhyaṁdinasya savanasya vṛtrahannanedya pibā somasya vajrivaḥ ||

Thou mighty Conqueror of hostile armaments, O Indra, Lord of Strength, with all thy saving help.

एकराळस्य भुवनस्य राजसि शचीपत इन्द्र विश्वाभिरूतिभिः। माध्यंदिनस्य सवनस्य वृत्रहन्ननेद्य पिबा सोमस्य वज्रिवः॥

ekarāḻasya bhuvanasya rājasi śacīpata indra viśvābhirūtibhiḥ | mādhyaṁdinasya savanasya vṛtrahannanedya pibā somasya vajrivaḥ ||

Sole Ruler, thou art Sovran of this world of life, O Indra, Lord of Strength, with all thy saving help.

सस्थावाना यवयसि त्वमेक इच्छचीपत इन्द्र विश्वाभिरूतिभिः। माध्यंदिनस्य सवनस्य वृत्रहन्ननेद्य पिबा सोमस्य वज्रिवः॥

sasthāvānā yavayasi tvameka icchacīpata indra viśvābhirūtibhiḥ | mādhyaṁdinasya savanasya vṛtrahannanedya pibā somasya vajrivaḥ ||

Thou only sunderest these two consistent worlds, O Indra, Lord of Strength, with all thy saving help.

क्षेमस्य च प्रयुजश्च त्वमीशिषे शचीपत इन्द्र विश्वाभिरूतिभिः। माध्यंदिनस्य सवनस्य वृत्रहन्ननेद्य पिबा सोमस्य वज्रिवः॥

kṣemasya ca prayujaśca tvamīśiṣe śacīpata indra viśvābhirūtibhiḥ | mādhyaṁdinasya savanasya vṛtrahannanedya pibā somasya vajrivaḥ ||

Thou art the Lord supreme o'er rest and energy, O Indra, Lord of Strength, with all thy saving help.

क्षत्राय त्वमवसि न त्वमाविथ शचीपत इन्द्र विश्वाभिरूतिभिः। माध्यंदिनस्य सवनस्य वृत्रहन्ननेद्य पिबा सोमस्य वज्रिवः॥

kṣatrāya tvamavasi na tvamāvitha śacīpata indra viśvābhirūtibhiḥ | mādhyaṁdinasya savanasya vṛtrahannanedya pibā somasya vajrivaḥ ||

Thou helpest one to power, and one thou hast not helped, O Indra, Lord of Strength, with all thy saving aid.

श्यावाश्वस्य रेभतस्तथा शृणु यथाशृणोरत्रेः कर्माणि कृण्वतः। प्र त्रसदस्युमाविथ त्वमेक इन्नृषाह्य इन्द्र क्षत्राणि वर्धयन्॥

śyāvāśvasya rebhatastathā śṛṇu yathāśṛṇoratreḥ karmāṇi kṛṇvataḥ | pra trasadasyumāvitha tvameka innṛṣāhya indra kṣatrāṇi vardhayan ||

Hear thou Syavasva while he sings to thee, as erst thou heardest Atri when he wrought his holy rites. Indra, thou only gavest Trasadasyu aid in the fierce fight with heroes, strengthening his powers.