सूक्त ६४

वरुणं वो रिशादसमृचा मित्रं हवामहे। परि व्रजेव बाह्वोर्जगन्वांसा स्वर्णरम्॥

varuṇaṁ vo riśādasamṛcā mitraṁ havāmahe | pari vrajeva bāhvorjaganvāṁsā svarṇaram ||

You, foeman-slaying Varuna and Mitra, we invoke with song, Who, as with penfold of your arms, encompass round the realm of light.

ता बाहवा सुचेतुना प्र यन्तमस्मा अर्चते। शेवं हि जार्यं वां विश्वासु क्षासु जोगुवे॥

tā bāhavā sucetunā pra yantamasmā arcate | śevaṁ hi jāryaṁ vāṁ viśvāsu kṣāsu joguve ||

Stretch out your arms with favouring love unto this man who singeth hymns, For in all places is sung forth your evergracious friendliness.

यन्नूनमश्यां गतिं मित्रस्य यायां पथा। अस्य प्रियस्य शर्मण्यहिंसानस्य सश्चिरे॥

yannūnamaśyāṁ gatiṁ mitrasya yāyāṁ pathā | asya priyasya śarmaṇyahiṁsānasya saścire ||

That I may gain a refuge now, may my steps be on Mitra's path. Men go protected in the charge of this dear Friend who harms us not.

युवाभ्यां मित्रावरुणोपमं धेयामृचा। यद्ध क्षये मघोनां स्तोतॄणां च स्पूर्धसे॥

yuvābhyāṁ mitrāvaruṇopamaṁ dheyāmṛcā | yaddha kṣaye maghonāṁ stotṝṇāṁ ca spūrdhase ||

Mitra and Varuna, from you may I, by song, win noblest meed. That shall stir envy in the homes of wealthy chiefs and those who praise.

आ नो मित्र सुदीतिभिर्वरुणश्च सधस्थ आ। स्वे क्षये मघोनां सखीनां च वृधसे॥

ā no mitra sudītibhirvaruṇaśca sadhastha ā | sve kṣaye maghonāṁ sakhīnāṁ ca vṛdhase ||

With your fair splendours, Varuna and Mitra, to our gathering come, That in their homes the wealthy chiefs and they who are your friends may thrive.

युवं नो येषु वरुण क्षत्रं बृहच्च बिभृथः। उरु णो वाजसातये कृतं राये स्वस्तये॥

yuvaṁ no yeṣu varuṇa kṣatraṁ bṛhacca bibhṛthaḥ | uru ṇo vājasātaye kṛtaṁ rāye svastaye ||

With those, moreover, among whom ye hold your high supremacy, Vouchsafe us room that we may win strength for prosperity and wealth.

उच्छन्त्यां मे यजता देवक्षत्रे रुशद्गवि। सुतं सोमं न हस्तिभिरा पड्भिर्धावतं नरा बिभ्रतावर्चनानसम्॥

ucchantyāṁ me yajatā devakṣatre ruśadgavi | sutaṁ somaṁ na hastibhirā paḍbhirdhāvataṁ narā bibhratāvarcanānasam ||

When morning flushes, Holy Ones! in the Gods' realm where white Cows shine, Supporting Arcananas, speed, ye Heroes, with your active feet hither to my pressed Soma juice.