सूक्त ९५

द्वे विरूपे चरतः स्वर्थे अन्यान्या वत्समुप धापयेते। हरिरन्यस्यां भवति स्वधावाञ्छुक्रो अन्यस्यां ददृशे सुवर्चाः॥

dve virūpe carataḥ svarthe anyānyā vatsamupa dhāpayete | hariranyasyāṁ bhavati svadhāvāñchukro anyasyāṁ dadṛśe suvarcāḥ ||

To fair goals travel Two unlike in semblance: each in succession nourishes an infant. One bears a Godlike Babe of golden colour; bright and fair-shining, is he with the other.

दशेमं त्वष्टुर्जनयन्त गर्भमतन्द्रासो युवतयो विभृत्रम्। तिग्मानीकं स्वयशसं जनेषु विरोचमानं परि षीं नयन्ति॥

daśemaṁ tvaṣṭurjanayanta garbhamatandrāso yuvatayo vibhṛtram | tigmānīkaṁ svayaśasaṁ janeṣu virocamānaṁ pari ṣīṁ nayanti ||

Tvastar's ten daughters, vigilant and youthful, produced this Infant borne to sundry quarters. They bear around him whose long flames are pointed, fulgent among mankind with native splendour.

त्रीणि जाना परि भूषन्त्यस्य समुद्र एकं दिव्येकमप्सु। पूर्वामनु प्र दिशं पार्थिवानामृतून्प्रशासद्वि दधावनुष्ठु॥

trīṇi jānā pari bhūṣantyasya samudra ekaṁ divyekamapsu | pūrvāmanu pra diśaṁ pārthivānāmṛtūnpraśāsadvi dadhāvanuṣṭhu ||

Three several places of his birth they honour, in mid-air, in the heaven, and in the waters. Governing in the cast of earthly regions, the seasons hath he stablished in their order.

क इमं वो निण्यमा चिकेत वत्सो मातॄर्जनयत स्वधाभिः। बह्वीनां गर्भो अपसामुपस्थान्महान्कविर्निश्चरति स्वधावान्॥

ka imaṁ vo niṇyamā ciketa vatso mātṝrjanayata svadhābhiḥ | bahvīnāṁ garbho apasāmupasthānmahānkavirniścarati svadhāvān ||

Who of you knows this secret One? The Infant by his own nature hath brought forth his Mothers. The germ of many, from the waters' bosom he goes forth, wise and great, of Godlike nature.

आविष्ट्यो वर्धते चारुरासु जिह्मानामूर्ध्वः स्वयशा उपस्थे। उभे त्वष्टुर्बिभ्यतुर्जायमानात्प्रतीची सिंहं प्रति जोषयेते॥

āviṣṭyo vardhate cārurāsu jihmānāmūrdhvaḥ svayaśā upasthe | ubhe tvaṣṭurbibhyaturjāyamānātpratīcī siṁhaṁ prati joṣayete ||

Visible, fair, he grows in native brightness uplifted in the lap of waving waters. When he was born both Tvastar's worlds were frightened: they turn to him and reverence the Lion.

उभे भद्रे जोषयेते न मेने गावो न वाश्रा उप तस्थुरेवैः। स दक्षाणां दक्षपतिर्बभूवाञ्जन्ति यं दक्षिणतो हविर्भिः॥

ubhe bhadre joṣayete na mene gāvo na vāśrā upa tasthurevaiḥ | sa dakṣāṇāṁ dakṣapatirbabhūvāñjanti yaṁ dakṣiṇato havirbhiḥ ||

The Two auspicious Ones, like women, tend him: like lowing cows they seek him in their manner. He is the Lord of Might among the mighty; him, on the right, they balm with their oblations.

उद्यंयमीति सवितेव बाहू उभे सिचौ यतते भीम ऋञ्जन्। उच्छुक्रमत्कमजते सिमस्मान्नवा मातृभ्यो वसना जहाति॥

udyaṁyamīti saviteva bāhū ubhe sicau yatate bhīma ṛñjan | ucchukramatkamajate simasmānnavā mātṛbhyo vasanā jahāti ||

Like Savitar his arms with might he stretches; awful, he strives grasping the world's two borders. He forces out from all a brilliant vesture, yea, from his Mothers draws he forth new raiment.

त्वेषं रूपं कृणुत उत्तरं यत्सम्पृञ्चानः सदने गोभिरद्भिः। कविर्बुध्नं परि मर्मृज्यते धीः सा देवताता समितिर्बभूव॥

tveṣaṁ rūpaṁ kṛṇuta uttaraṁ yatsampṛñcānaḥ sadane gobhiradbhiḥ | kavirbudhnaṁ pari marmṛjyate dhīḥ sā devatātā samitirbabhūva ||

He makes him a most noble form of splendour, decking him in his home with milk and waters. The Sage adorns the depths of air with wisdom . this is the meeting where the Gods are worshipped.

उरु ते ज्रयः पर्येति बुध्नं विरोचमानं महिषस्य धाम। विश्वेभिरग्ने स्वयशोभिरिद्धोऽदब्धेभिः पायुभिः पाह्यस्मान्॥

uru te jrayaḥ paryeti budhnaṁ virocamānaṁ mahiṣasya dhāma | viśvebhiragne svayaśobhiriddho'dabdhebhiḥ pāyubhiḥ pāhyasmān ||

Wide through the firmament spreads forth triumphant the far-resplendent strength of' thee the Mighty. Kindled by us do thou preserve us, Agni, with all thy self-bright undiminished succours.

धन्वन्स्रोतः कृणुते गातुमूर्मिं शुक्रैरूर्मिभिरभि नक्षति क्षाम्। विश्वा सनानि जठरेषु धत्तेऽन्तर्नवासु चरति प्रसूषु॥

dhanvansrotaḥ kṛṇute gātumūrmiṁ śukrairūrmibhirabhi nakṣati kṣām | viśvā sanāni jaṭhareṣu dhatte'ntarnavāsu carati prasūṣu ||

In dry spots he makes stream, and course, and torrent, and inundates the earth with floods that glisten. All ancient things within his maw he gathers, and moves among the new fresh-sprouting grasses.

एवा नो अग्ने समिधा वृधानो रेवत्पावक श्रवसे वि भाहि। तन्नो मित्रो वरुणो मामहन्तामदितिः सिन्धुः पृथिवी उत द्यौः॥

evā no agne samidhā vṛdhāno revatpāvaka śravase vi bhāhi | tanno mitro varuṇo māmahantāmaditiḥ sindhuḥ pṛthivī uta dyauḥ ||

Fed with our fuel, purifying Agni, so blaze to us auspiciously for glory. This prayer of ours may Varuna grant, and Mitra, and Aditi and Sindhu, Earth and Heaven.