Sukta 27

असत्सु मे जरितः साभिवेगो यत्सुन्वते यजमानाय शिक्षम्। अनाशीर्दामहमस्मि प्रहन्ता सत्यध्वृतं वृजिनायन्तमाभुम्॥

asatsu me jaritaḥ sābhivego yatsunvate yajamānāya śikṣam | anāśīrdāmahamasmi prahantā satyadhvṛtaṁ vṛjināyantamābhum ||

THIS, singer, is my firm determination, to aid the worshipper who pours the Soma. I slay the man who brings no milkoblation, unrighteous, powerful, the truth's perverter.

यदीदहं युधये संनयान्यदेवयून्तन्वा शूशुजानान्। अमा ते तुम्रं वृषभं पचानि तीव्रं सुतं पञ्चदशं नि षिञ्चम्॥

yadīdahaṁ yudhaye saṁnayānyadevayūntanvā śūśujānān | amā te tumraṁ vṛṣabhaṁ pacāni tīvraṁ sutaṁ pañcadaśaṁ ni ṣiñcam ||

Then Will I, when I lead my friends to battle against the radiant persons of the godless, Prepare for thee at home a vigorous bullock, and pour for thee the fifteen-fold strong juices.

नाहं तं वेद य इति ब्रवीत्यदेवयून्समरणे जघन्वान्। यदावाख्यत्समरणमृघावदादिद्ध मे वृषभा प्र ब्रुवन्ति॥

nāhaṁ taṁ veda ya iti bravītyadevayūnsamaraṇe jaghanvān | yadāvākhyatsamaraṇamṛghāvadādiddha me vṛṣabhā pra bruvanti ||

I know not him who sayeth and declareth that he hath slain the godless in the battle. Soon as they see the furious combat raging, men speak forth praises of my vigorous horses.

यदज्ञातेषु वृजनेष्वासं विश्वे सतो मघवानो म आसन्। जिनामि वेत्क्षेम आ सन्तमाभुं प्र तं क्षिणां पर्वते पादगृह्य॥

yadajñāteṣu vṛjaneṣvāsaṁ viśve sato maghavāno ma āsan | jināmi vetkṣema ā santamābhuṁ pra taṁ kṣiṇāṁ parvate pādagṛhya ||

While yet my deeds of might were unrecorded, all passed for Maghavans though I existed. The potent one who dwelt in peace I conquered, grasped by the foot and slew him on the mountain.

न वा उ मां वृजने वारयन्ते न पर्वतासो यदहं मनस्ये। मम स्वनात्कृधुकर्णो भयात एवेदनु द्यून्किरणः समेजात्॥

na vā u māṁ vṛjane vārayante na parvatāso yadahaṁ manasye | mama svanātkṛdhukarṇo bhayāta evedanu dyūnkiraṇaḥ samejāt ||

None hinder me in mine heroic exploits, no, not the mountains when I will and purpose. Even the deaf will tremble at my roaring, and every day will dust be agitated.

दर्शन्न्वत्र शृतपाँ अनिन्द्रान्बाहुक्षदः शरवे पत्यमानान्। घृषुं वा ये निनिदुः सखायमध्यू न्वेषु पवयो ववृत्युः॥

darśannvatra śṛtapā anindrānbāhukṣadaḥ śarave patyamānān | ghṛṣuṁ vā ye niniduḥ sakhāyamadhyū nveṣu pavayo vavṛtyuḥ ||

To see the Indraless oblation-drinkers, mean offerers, o'ertaken by destruction! Then shall the fellies of my car pass over those who have blamed my joyous Friend and scorned him.

अभूर्वौक्षीर्व्यु आयुरानड्दर्षन्नु पूर्वो अपरो नु दर्षत्। द्वे पवस्ते परि तं न भूतो यो अस्य पारे रजसो विवेष॥

abhūrvaukṣīrvyu āyurānaḍdarṣannu pūrvo aparo nu darṣat | dve pavaste pari taṁ na bhūto yo asya pāre rajaso viveṣa ||

Thou wast, thou grewest to full vital vigour: an earlier saw, a later one shall see thee. Two canopies, as 'twere, are round about him who reacheth to the limit of this region.

गावो यवं प्रयुता अर्यो अक्षन्ता अपश्यं सहगोपाश्चरन्तीः। हवा इदर्यो अभितः समायन्कियदासु स्वपतिश्छन्दयाते॥

gāvo yavaṁ prayutā aryo akṣantā apaśyaṁ sahagopāścarantīḥ | havā idaryo abhitaḥ samāyankiyadāsu svapatiśchandayāte ||

The freed kine eat the barley of the pious. 1 saw them as they wandered with the herdsman. The calling of the pious rang around them. What portion will these kine afford their owner?

सं यद्वयं यवसादो जनानामहं यवाद उर्वज्रे अन्तः। अत्रा युक्तोऽवसातारमिच्छादथो अयुक्तं युनजद्ववन्वान्॥

saṁ yadvayaṁ yavasādo janānāmahaṁ yavāda urvajre antaḥ | atrā yukto'vasātāramicchādatho ayuktaṁ yunajadvavanvān ||

When we who cat the grass of men are gathered I am with barley-eaters in the corn-land. There shall the captor yoke the yokeless bullock, and he who hath been yoked seek one to loose him.

अत्रेदु मे मंससे सत्यमुक्तं द्विपाच्च यच्चतुष्पात्संसृजानि। स्त्रीभिर्यो अत्र वृषणं पृतन्यादयुद्धो अस्य वि भजानि वेदः॥

atredu me maṁsase satyamuktaṁ dvipācca yaccatuṣpātsaṁsṛjāni | strībhiryo atra vṛṣaṇaṁ pṛtanyādayuddho asya vi bhajāni vedaḥ ||

There wilt thou hold as true my spoken purpose, to bring together quadrupeds. and bipeds. I will divide, without a fight, his riches who warreth here, against the Bull, with women.

यस्यानक्षा दुहिता जात्वास कस्तां विद्वाँ अभि मन्याते अन्धाम्। कतरो मेनिं प्रति तं मुचाते य ईं वहाते य ईं वा वरेयात्॥

yasyānakṣā duhitā jātvāsa kastāṁ vidvā abhi manyāte andhām | kataro meniṁ prati taṁ mucāte ya īṁ vahāte ya īṁ vā vareyāt ||

When a man's daughter hath been ever eyeless, who, knowing, will be wroth with her for blindness? Which of the two will loose on him his anger-the man who leads her home or he who woos her?

कियती योषा मर्यतो वधूयोः परिप्रीता पन्यसा वार्येण। भद्रा वधूर्भवति यत्सुपेशाः स्वयं सा मित्रं वनुते जने चित्॥

kiyatī yoṣā maryato vadhūyoḥ pariprītā panyasā vāryeṇa | bhadrā vadhūrbhavati yatsupeśāḥ svayaṁ sā mitraṁ vanute jane cit ||

How many a maid is pleasing to the suitor who fain would marry for her splendid riches? If the girl be both good and fair of feature, she finds, herself, a friend among the people.

पत्तो जगार प्रत्यञ्चमत्ति शीर्ष्णा शिरः प्रति दधौ वरूथम्। आसीन ऊर्ध्वामुपसि क्षिणाति न्यङ्ङुत्तानामन्वेति भूमिम्॥

patto jagāra pratyañcamatti śīrṣṇā śiraḥ prati dadhau varūtham | āsīna ūrdhvāmupasi kṣiṇāti nyaṅṅuttānāmanveti bhūmim ||

His feet have grasped: he eats the man who meets him. Around his head he sets the head for shelter. Sitting anear and right above he smites us, and follows earth that lies spread out beneath him.

बृहन्नच्छायो अपलाशो अर्वा तस्थौ माता विषितो अत्ति गर्भः। अन्यस्या वत्सं रिहती मिमाय कया भुवा नि दधे धेनुरूधः॥

bṛhannacchāyo apalāśo arvā tasthau mātā viṣito atti garbhaḥ | anyasyā vatsaṁ rihatī mimāya kayā bhuvā ni dadhe dhenurūdhaḥ ||

High, leafless, shadowless, and swift is Heaven: the Mother stands, the Youngling, loosed, is feeding. Loud hath she lowed, licking Another's offspring. In what world hath the Cow laid down her udder?

सप्त वीरासो अधरादुदायन्नष्टोत्तरात्तात्समजग्मिरन्ते। नव पश्चातात्स्थिविमन्त आयन्दश प्राक्सानु वि तिरन्त्यश्नः॥

sapta vīrāso adharādudāyannaṣṭottarāttātsamajagmirante | nava paścātātsthivimanta āyandaśa prāksānu vi tirantyaśnaḥ ||

Seven heroes from the nether part ascended, and from the upper part came eight together. Nine from behind came armed with winnowing-baskets: ten from the front pressed o'er the rock's high ridges.

दशानामेकं कपिलं समानं तं हिन्वन्ति क्रतवे पार्याय। गर्भं माता सुधितं वक्षणास्ववेनन्तं तुषयन्ती बिभर्ति॥

daśānāmekaṁ kapilaṁ samānaṁ taṁ hinvanti kratave pāryāya | garbhaṁ mātā sudhitaṁ vakṣaṇāsvavenantaṁ tuṣayantī bibharti ||

One of the ten, the tawny, shared in common, they send to execute their final purpose. The Mother carries on her breast the Infant of noble form and soothes it while it knows not.

पीवानं मेषमपचन्त वीरा न्युप्ता अक्षा अनु दीव आसन्। द्वा धनुं बृहतीमप्स्वन्तः पवित्रवन्ता चरतः पुनन्ता॥

pīvānaṁ meṣamapacanta vīrā nyuptā akṣā anu dīva āsan | dvā dhanuṁ bṛhatīmapsvantaḥ pavitravantā carataḥ punantā ||

The Heroes dressed with fire the fatted wether: the dice were thrown by way of sport and gaming. Two reach the plain amid the heavenly waters, hallowing and with means of purifying.

वि क्रोशनासो विष्वञ्च आयन्पचाति नेमो नहि पक्षदर्धः। अयं मे देवः सविता तदाह द्र्वन्न इद्वनवत्सर्पिरन्नः॥

vi krośanāso viṣvañca āyanpacāti nemo nahi pakṣadardhaḥ | ayaṁ me devaḥ savitā tadāha drvanna idvanavatsarpirannaḥ ||

Crying aloud they ran in all directions: One half of them will cook, and not the other. To me hath Savitar, this God, declared it: He will perform, whose food is wood and butter.

अपश्यं ग्रामं वहमानमारादचक्रया स्वधया वर्तमानम्। सिषक्त्यर्यः प्र युगा जनानां सद्यः शिश्ना प्रमिनानो नवीयान्॥

apaśyaṁ grāmaṁ vahamānamārādacakrayā svadhayā vartamānam | siṣaktyaryaḥ pra yugā janānāṁ sadyaḥ śiśnā pramināno navīyān ||

I saw a troop advancing from the distance moved, not by wheels but their own God-like nature. The Friendly One seeks human generations, destroying, still new bands of evil beings.

एतौ मे गावौ प्रमरस्य युक्तौ मो षु प्र सेधीर्मुहुरिन्ममन्धि। आपश्चिदस्य वि नशन्त्यर्थं सूरश्च मर्क उपरो बभूवान्॥

etau me gāvau pramarasya yuktau mo ṣu pra sedhīrmuhurinmamandhi | āpaścidasya vi naśantyarthaṁ sūraśca marka uparo babhūvān ||

These my two Bulls, even Pramara's, are harnessed: drive them not far; here let them often linger. The waters even shall aid him to his object, and the all-cleansing Sun who is above us.

अयं यो वज्रः पुरुधा विवृत्तोऽवः सूर्यस्य बृहतः पुरीषात्। श्रव इदेना परो अन्यदस्ति तदव्यथी जरिमाणस्तरन्ति॥

ayaṁ yo vajraḥ purudhā vivṛtto'vaḥ sūryasya bṛhataḥ purīṣāt | śrava idenā paro anyadasti tadavyathī jarimāṇastaranti ||

This is the thunderbolt which often whirleth down from the lofty misty realm of Surya. Beyond this realm there is another glory so through old age they pass and feel no sorrow.

वृक्षेवृक्षे नियता मीमयद्गौस्ततो वयः प्र पतान्पूरुषादः। अथेदं विश्वं भुवनं भयात इन्द्राय सुन्वदृषये च शिक्षत्॥

vṛkṣevṛkṣe niyatā mīmayadgaustato vayaḥ pra patānpūruṣādaḥ | athedaṁ viśvaṁ bhuvanaṁ bhayāta indrāya sunvadṛṣaye ca śikṣat ||

Bound fast to,every tree the cow is lowing, and thence the man-consuming birds are flying, Then all this world, though pressing juice for Indra and strengthening the Rsi, is affrighted.

देवानां माने प्रथमा अतिष्ठन्कृन्तत्रादेषामुपरा उदायन्। त्रयस्तपन्ति पृथिवीमनूपा द्वा बृबूकं वहतः पुरीषम्॥

devānāṁ māne prathamā atiṣṭhankṛntatrādeṣāmuparā udāyan | trayastapanti pṛthivīmanūpā dvā bṛbūkaṁ vahataḥ purīṣam ||

In the Gods' mansion stood the first-created, and from their separation came the later. Three warm the Earth while holding stores of water, and Two of these convey the murmuring moisture.

सा ते जीवातुरुत तस्य विद्धि मा स्मैतादृगप गूहः समर्ये। आविः स्वः कृणुते गूहते बुसं स पादुरस्य निर्णिजो न मुच्यते॥

sā te jīvāturuta tasya viddhi mā smaitādṛgapa gūhaḥ samarye | āviḥ svaḥ kṛṇute gūhate busaṁ sa pādurasya nirṇijo na mucyate ||

This is thy life: and do thou mark and know it. As such, hide not thyself in time of battle. He manifests the light and hides the vapour: his foot is never free from robes that veil it.