Sukta 67

त्वं सोमासि धारयुर्मन्द्र ओजिष्ठो अध्वरे। पवस्व मंहयद्रयिः॥

tvaṁ somāsi dhārayurmandra ojiṣṭho adhvare | pavasva maṁhayadrayiḥ ||

THOU, Soma, hast a running stream, joyous, most strong at sacrifice: Flow bounteously bestowing wealth.

त्वं सुतो नृमादनो दधन्वान्मत्सरिन्तमः। इन्द्राय सूरिरन्धसा॥

tvaṁ suto nṛmādano dadhanvānmatsarintamaḥ | indrāya sūrirandhasā ||

Effused as cheerer of the men, flowing best gladdener, thou art A Prince to Indra with thy juice.

त्वं सुष्वाणो अद्रिभिरभ्यर्ष कनिक्रदत्। द्युमन्तं शुष्ममुत्तमम्॥

tvaṁ suṣvāṇo adribhirabhyarṣa kanikradat | dyumantaṁ śuṣmamuttamam ||

Poured forth by pressing-stones, do thou with loud roar send us in a stream Most excellent illustrious might.

इन्दुर्हिन्वानो अर्षति तिरो वाराण्यव्यया। हरिर्वाजमचिक्रदत्॥

indurhinvāno arṣati tiro vārāṇyavyayā | harirvājamacikradat ||

Indu, urged forward, floweth through the fleecy cloth: the Tawny One With his loud roar hath brought as strength.

इन्दो व्यव्यमर्षसि वि श्रवांसि वि सौभगा। वि वाजान्सोम गोमतः॥

indo vyavyamarṣasi vi śravāṁsi vi saubhagā | vi vājānsoma gomataḥ ||

Indu, thou flowest through the fleece, bringing felicities and fame, And, Soma, spoil and wealth in kine.

आ न इन्दो शतग्विनं रयिं गोमन्तमश्विनम्। भरा सोम सहस्रिणम्॥

ā na indo śatagvinaṁ rayiṁ gomantamaśvinam | bharā soma sahasriṇam ||

Hither, O Indu, bring us wealth in steeds and cattle hundredfold: Bring wealth, O Soma, thousandfold.

पवमानास इन्दवस्तिरः पवित्रमाशवः। इन्द्रं यामेभिराशत॥

pavamānāsa indavastiraḥ pavitramāśavaḥ | indraṁ yāmebhirāśata ||

In purifying, through the sieve the rapid drops of'Soma juice Come nigh to Indra in their course.

ककुहः सोम्यो रस इन्दुरिन्द्राय पूर्व्यः। आयुः पवत आयवे॥

kakuhaḥ somyo rasa indurindrāya pūrvyaḥ | āyuḥ pavata āyave ||

For Indra floweth excellent Indu, the noblest Soma juice The Living for the Living One.

हिन्वन्ति सूरमुस्रयः पवमानं मधुश्चुतम्। अभि गिरा समस्वरन्॥

hinvanti sūramusrayaḥ pavamānaṁ madhuścutam | abhi girā samasvaran ||

The glittering maids send Sura forth they with their song have sung aloud To Pavamana dropping meath.

अविता नो अजाश्वः पूषा यामनियामनि। आ भक्षत्कन्यासु नः॥

avitā no ajāśvaḥ pūṣā yāmaniyāmani | ā bhakṣatkanyāsu naḥ ||

May Pusan, drawn by goats, be our protector, and on all his paths Bestow on us our share of maids.

अयं सोमः कपर्दिने घृतं न पवते मधु। आ भक्षत्कन्यासु नः॥

ayaṁ somaḥ kapardine ghṛtaṁ na pavate madhu | ā bhakṣatkanyāsu naḥ ||

This Soma flows like gladdening oil for him who wears the braided locks: He shall give us our share of maids.

अयं त आघृणे सुतो घृतं न पवते शुचि। आ भक्षत्कन्यासु नः॥

ayaṁ ta āghṛṇe suto ghṛtaṁ na pavate śuci | ā bhakṣatkanyāsu naḥ ||

This Soma juice, O glowing God, flows like pure oil, effused for thee: He shall give us our share of maids.

वाचो जन्तुः कवीनां पवस्व सोम धारया। देवेषु रत्नधा असि॥

vāco jantuḥ kavīnāṁ pavasva soma dhārayā | deveṣu ratnadhā asi ||

Flow onward, Soma, in thy stream, begetter of the sages' speech: Wealth-giver among Gods art thou.

आ कलशेषु धावति श्येनो वर्म वि गाहते। अभि द्रोणा कनिक्रदत्॥

ā kalaśeṣu dhāvati śyeno varma vi gāhate | abhi droṇā kanikradat ||

The Falcon dips within the jars: he wrap.him in his robe and goes Loud roaring to the vats of wood.

परि प्र सोम ते रसोऽसर्जि कलशे सुतः। श्येनो न तक्तो अर्षति॥

pari pra soma te raso'sarji kalaśe sutaḥ | śyeno na takto arṣati ||

Soma, thy juice hath been effused and poured into the pitcher: like A rapid hawk it rushes on.

पवस्व सोम मन्दयन्निन्द्राय मधुमत्तमः॥

pavasva soma mandayannindrāya madhumattamaḥ ||

For Indra flow most rich in sweets, O Soma, bringing him delight.

असृग्रन्देववीतये वाजयन्तो रथा इव॥

asṛgrandevavītaye vājayanto rathā iva ||

They were sent forth to feast the Gods, like chariots that display their strength.

ते सुतासो मदिन्तमाः शुक्रा वायुमसृक्षत॥

te sutāso madintamāḥ śukrā vāyumasṛkṣata ||

Brilliant, best givers of delight, these juices have sent Vayu forth.

ग्राव्णा तुन्नो अभिष्टुतः पवित्रं सोम गच्छसि। दधत्स्तोत्रे सुवीर्यम्॥

grāvṇā tunno abhiṣṭutaḥ pavitraṁ soma gacchasi | dadhatstotre suvīryam ||

Bruised by the press-stones and extolled, Soma, thou goest to the sieve, Giving the worshipper hero strength.

एष तुन्नो अभिष्टुतः पवित्रमति गाहते। रक्षोहा वारमव्ययम्॥

eṣa tunno abhiṣṭutaḥ pavitramati gāhate | rakṣohā vāramavyayam ||

This juice bruised by the pressing-stones and lauded passes through the sieve, Slayer of demons, through the fleece.

यदन्ति यच्च दूरके भयं विन्दति मामिह। पवमान वि तज्जहि॥

yadanti yacca dūrake bhayaṁ vindati māmiha | pavamāna vi tajjahi ||

O Pavamana, drive away the danger, whether near at hand Or far remote, that finds me here.

पवमानः सो अद्य नः पवित्रेण विचर्षणिः। यः पोता स पुनातु नः॥

pavamānaḥ so adya naḥ pavitreṇa vicarṣaṇiḥ | yaḥ potā sa punātu naḥ ||

This day may Pavamana cleanse us with his purifying power, Most active purifying Priest.

यत्ते पवित्रमर्चिष्यग्ने विततमन्तरा। ब्रह्म तेन पुनीहि नः॥

yatte pavitramarciṣyagne vitatamantarā | brahma tena punīhi naḥ ||

O Agni, with the cleansing light diffused through all thy fiery glow, Purify thou this prayer of ours.

यत्ते पवित्रमर्चिवदग्ने तेन पुनीहि नः। ब्रह्मसवैः पुनीहि नः॥

yatte pavitramarcivadagne tena punīhi naḥ | brahmasavaiḥ punīhi naḥ ||

Cleanse us with thine own cleansing power, O Agni, that is bright with flame, And by libations poured to thee.

उभाभ्यां देव सवितः पवित्रेण सवेन च। मां पुनीहि विश्वतः॥

ubhābhyāṁ deva savitaḥ pavitreṇa savena ca | māṁ punīhi viśvataḥ ||

Savitar, God, by both of these, libation, purifying power, Purify me on every side.

त्रिभिष्ट्वं देव सवितर्वर्षिष्ठैः सोम धामभिः। अग्ने दक्षैः पुनीहि नः॥

tribhiṣṭvaṁ deva savitarvarṣiṣṭhaiḥ soma dhāmabhiḥ | agne dakṣaiḥ punīhi naḥ ||

Cleanse us, God Savitar, with Three, O Soma, with sublimest forms, Agni, with forms of power and might.

पुनन्तु मां देवजनाः पुनन्तु वसवो धिया। विश्वे देवाः पुनीत मा जातवेदः पुनीहि मा॥

punantu māṁ devajanāḥ punantu vasavo dhiyā | viśve devāḥ punīta mā jātavedaḥ punīhi mā ||

May the Gods' company make me clean, and Vasus make rue pure by song. Purify me, ye General Gods; O Jatavedas, make me pure.

प्र प्यायस्व प्र स्यन्दस्व सोम विश्वेभिरंशुभिः। देवेभ्य उत्तमं हविः॥

pra pyāyasva pra syandasva soma viśvebhiraṁśubhiḥ | devebhya uttamaṁ haviḥ ||

Fill thyself full of juice, flow forth, O Soma, thou with all thy stalks, The best oblation to the Gods.

उप प्रियं पनिप्नतं युवानमाहुतीवृधम्। अगन्म बिभ्रतो नमः॥

upa priyaṁ panipnataṁ yuvānamāhutīvṛdham | aganma bibhrato namaḥ ||

We with our homage have approached the Friend who seeks our wondering praise, Young, strengthener of the solemn rite.

अलाय्यस्य परशुर्ननाश तमा पवस्व देव सोम। आखुं चिदेव देव सोम॥

alāyyasya paraśurnanāśa tamā pavasva deva soma | ākhuṁ cideva deva soma ||

Lost is Alayya's axe. O Soma, God do thou send it back hither in thy flow Even, Soma, God, if 'twere a mole.

यः पावमानीरध्येत्यृषिभिः सम्भृतं रसम्। सर्वं स पूतमश्नाति स्वदितं मातरिश्वना॥

yaḥ pāvamānīradhyetyṛṣibhiḥ sambhṛtaṁ rasam | sarvaṁ sa pūtamaśnāti svaditaṁ mātariśvanā ||

The man who reads the essence stored by saints, the Pavamani hymns, Tastes food completely purified, made sweet by Matarisvan's touch.

पावमानीर्यो अध्येत्यृषिभिः सम्भृतं रसम्। तस्मै सरस्वती दुहे क्षीरं सर्पिर्मधूदकम्॥

pāvamānīryo adhyetyṛṣibhiḥ sambhṛtaṁ rasam | tasmai sarasvatī duhe kṣīraṁ sarpirmadhūdakam ||

Whoever reads the essence stored by saints, the Pavamani hymns, Sarasvati draws forth for him water and butter, milk and meath.