text

Sukta 103

Complete Rigveda Sukta with 14 mantras in Sanskrit, IAST transliteration, and source-aligned historical English where available.

Depth 4 of 4

Source citations ready
Multilingual content model ready
Mastery pathway ready
Digital scripture edition
Contents
Digital scripture edition

Sukta 103

Complete Rigveda Sukta with 14 mantras in Sanskrit, IAST transliteration, and source-aligned historical English where available.

Page 1 of 16
Your place is saved

Turn pages with the buttons, a swipe, or the left and right arrow keys.

Read as continuous text

Rigveda 8.103.1

Rigveda 8.103.1
Source text

अदर्शि गातुवित्तमो यस्मिन्व्रतान्यादधुः। उपो षु जातमार्यस्य वर्धनमग्निं नक्षन्त नो गिरः॥

Transliteration

adarśi gātuvittamo yasminvratānyādadhuḥ | upo ṣu jātamāryasya vardhanamagniṁ nakṣanta no giraḥ ||

Rigveda 8.103.2

Rigveda 8.103.2
Source text

प्र दैवोदासो अग्निर्देवाँ अच्छा न मज्मना। अनु मातरं पृथिवीं वि वावृते तस्थौ नाकस्य सानवि॥

Transliteration

pra daivodāso agnirdevā acchā na majmanā | anu mātaraṁ pṛthivīṁ vi vāvṛte tasthau nākasya sānavi ||

Rigveda 8.103.3

Rigveda 8.103.3
Source text

यस्माद्रेजन्त कृष्टयश्चर्कृत्यानि कृण्वतः। सहस्रसां मेधसाताविव त्मनाग्निं धीभिः सपर्यत॥

Transliteration

yasmādrejanta kṛṣṭayaścarkṛtyāni kṛṇvataḥ | sahasrasāṁ medhasātāviva tmanāgniṁ dhībhiḥ saparyata ||

Rigveda 8.103.4

Rigveda 8.103.4
Source text

प्र यं राये निनीषसि मर्तो यस्ते वसो दाशत्। स वीरं धत्ते अग्न उक्थशंसिनं त्मना सहस्रपोषिणम्॥

Transliteration

pra yaṁ rāye ninīṣasi marto yaste vaso dāśat | sa vīraṁ dhatte agna ukthaśaṁsinaṁ tmanā sahasrapoṣiṇam ||

Rigveda 8.103.5

Rigveda 8.103.5
Source text

स दृळ्हे चिदभि तृणत्ति वाजमर्वता स धत्ते अक्षिति श्रवः। त्वे देवत्रा सदा पुरूवसो विश्वा वामानि धीमहि॥

Transliteration

sa dṛḻhe cidabhi tṛṇatti vājamarvatā sa dhatte akṣiti śravaḥ | tve devatrā sadā purūvaso viśvā vāmāni dhīmahi ||

Rigveda 8.103.6

Rigveda 8.103.6
Source text

यो विश्वा दयते वसु होता मन्द्रो जनानाम्। मधोर्न पात्रा प्रथमान्यस्मै प्र स्तोमा यन्त्यग्नये॥

Transliteration

yo viśvā dayate vasu hotā mandro janānām | madhorna pātrā prathamānyasmai pra stomā yantyagnaye ||

Rigveda 8.103.7

Rigveda 8.103.7
Source text

अश्वं न गीर्भी रथ्यं सुदानवो मर्मृज्यन्ते देवयवः। उभे तोके तनये दस्म विश्पते पर्षि राधो मघोनाम्॥

Transliteration

aśvaṁ na gīrbhī rathyaṁ sudānavo marmṛjyante devayavaḥ | ubhe toke tanaye dasma viśpate parṣi rādho maghonām ||

Rigveda 8.103.8

Rigveda 8.103.8
Source text

प्र मंहिष्ठाय गायत ऋताव्ने बृहते शुक्रशोचिषे। उपस्तुतासो अग्नये॥

Transliteration

pra maṁhiṣṭhāya gāyata ṛtāvne bṛhate śukraśociṣe | upastutāso agnaye ||

Rigveda 8.103.9

Rigveda 8.103.9
Source text

आ वंसते मघवा वीरवद्यशः समिद्धो द्युम्न्याहुतः। कुविन्नो अस्य सुमतिर्नवीयस्यच्छा वाजेभिरागमत्॥

Transliteration

ā vaṁsate maghavā vīravadyaśaḥ samiddho dyumnyāhutaḥ | kuvinno asya sumatirnavīyasyacchā vājebhirāgamat ||

Rigveda 8.103.10

Rigveda 8.103.10
Source text

प्रेष्ठमु प्रियाणां स्तुह्यासावातिथिम्। अग्निं रथानां यमम्॥

Transliteration

preṣṭhamu priyāṇāṁ stuhyāsāvātithim | agniṁ rathānāṁ yamam ||

Rigveda 8.103.11

Rigveda 8.103.11
Source text

उदिता यो निदिता वेदिता वस्वा यज्ञियो ववर्तति। दुष्टरा यस्य प्रवणे नोर्मयो धिया वाजं सिषासतः॥

Transliteration

uditā yo niditā veditā vasvā yajñiyo vavartati | duṣṭarā yasya pravaṇe normayo dhiyā vājaṁ siṣāsataḥ ||

Rigveda 8.103.12

Rigveda 8.103.12
Source text

मा नो हृणीतामतिथिर्वसुरग्निः पुरुप्रशस्त एषः। यः सुहोता स्वध्वरः॥

Transliteration

mā no hṛṇītāmatithirvasuragniḥ purupraśasta eṣaḥ | yaḥ suhotā svadhvaraḥ ||

Rigveda 8.103.13

Rigveda 8.103.13
Source text

मो ते रिषन्ये अच्छोक्तिभिर्वसोऽग्ने केभिश्चिदेवैः। कीरिश्चिद्धि त्वामीट्टे दूत्याय रातहव्यः स्वध्वरः॥

Transliteration

mo te riṣanye acchoktibhirvaso'gne kebhiścidevaiḥ | kīriściddhi tvāmīṭṭe dūtyāya rātahavyaḥ svadhvaraḥ ||

Rigveda 8.103.14

Rigveda 8.103.14
Source text

आग्ने याहि मरुत्सखा रुद्रेभिः सोमपीतये। सोभर्या उप सुष्टुतिं मादयस्व स्वर्णरे॥

Transliteration

āgne yāhi marutsakhā rudrebhiḥ somapītaye | sobharyā upa suṣṭutiṁ mādayasva svarṇare ||

Sources and editorial record

  1. Rigveda Mandala 8, machine-readable Sanskrit and Roman text — Mandala 8Sanskrit Documents
  2. Rigveda Shakala Samhita, Mandala 8, Sukta 103 — RV 8.103Vedic Heritage Portal, Ministry of Culture, Government of India
A clear answer

Frequently asked

What is Sukta 103?

Sukta 103 is a node in the Sanatan Dharma knowledge map. This page places it within its scriptural, philosophical, or living-tradition context and links to its branches, sources, and related paths.