Sukta 60
Complete Rigveda Sukta with 20 mantras in Sanskrit, IAST transliteration, and source-aligned historical English where available.
Complete Rigveda Sukta with 20 mantras in Sanskrit, IAST transliteration, and source-aligned historical English where available.
Depth 4 of 4
Complete Rigveda Sukta with 20 mantras in Sanskrit, IAST transliteration, and source-aligned historical English where available.
Turn pages with the buttons, a swipe, or the left and right arrow keys.
अग्न आ याह्यग्निभिर्होतारं त्वा वृणीमहे। आ त्वामनक्तु प्रयता हविष्मती यजिष्ठं बर्हिरासदे॥
Transliterationagna ā yāhyagnibhirhotāraṁ tvā vṛṇīmahe | ā tvāmanaktu prayatā haviṣmatī yajiṣṭhaṁ barhirāsade ||
अच्छा हि त्वा सहसः सूनो अङ्गिरः स्रुचश्चरन्त्यध्वरे। ऊर्जो नपातं घृतकेशमीमहेऽग्निं यज्ञेषु पूर्व्यम्॥
Transliterationacchā hi tvā sahasaḥ sūno aṅgiraḥ srucaścarantyadhvare | ūrjo napātaṁ ghṛtakeśamīmahe'gniṁ yajñeṣu pūrvyam ||
अग्ने कविर्वेधा असि होता पावक यक्ष्यः। मन्द्रो यजिष्ठो अध्वरेष्वीड्यो विप्रेभिः शुक्र मन्मभिः॥
Transliterationagne kavirvedhā asi hotā pāvaka yakṣyaḥ | mandro yajiṣṭho adhvareṣvīḍyo viprebhiḥ śukra manmabhiḥ ||
अद्रोघमा वहोशतो यविष्ठ्य देवाँ अजस्र वीतये। अभि प्रयांसि सुधिता वसो गहि मन्दस्व धीतिभिर्हितः॥
Transliterationadroghamā vahośato yaviṣṭhya devā ajasra vītaye | abhi prayāṁsi sudhitā vaso gahi mandasva dhītibhirhitaḥ ||
त्वमित्सप्रथा अस्यग्ने त्रातरृतस्कविः। त्वां विप्रासः समिधान दीदिव आ विवासन्ति वेधसः॥
Transliterationtvamitsaprathā asyagne trātarṛtaskaviḥ | tvāṁ viprāsaḥ samidhāna dīdiva ā vivāsanti vedhasaḥ ||
शोचा शोचिष्ठ दीदिहि विशे मयो रास्व स्तोत्रे महाँ असि। देवानां शर्मन्मम सन्तु सूरयः शत्रूषाहः स्वग्नयः॥
Transliterationśocā śociṣṭha dīdihi viśe mayo rāsva stotre mahā asi | devānāṁ śarmanmama santu sūrayaḥ śatrūṣāhaḥ svagnayaḥ ||
यथा चिद्वृद्धमतसमग्ने संजूर्वसि क्षमि। एवा दह मित्रमहो यो अस्मध्रुग्दुर्मन्मा कश्च वेनति॥
Transliterationyathā cidvṛddhamatasamagne saṁjūrvasi kṣami | evā daha mitramaho yo asmadhrugdurmanmā kaśca venati ||
मा नो मर्ताय रिपवे रक्षस्विने माघशंसाय रीरधः। अस्रेधद्भिस्तरणिभिर्यविष्ठ्य शिवेभिः पाहि पायुभिः॥
Transliterationmā no martāya ripave rakṣasvine māghaśaṁsāya rīradhaḥ | asredhadbhistaraṇibhiryaviṣṭhya śivebhiḥ pāhi pāyubhiḥ ||
पाहि नो अग्न एकया पाह्युत द्वितीयया। पाहि गीर्भिस्तिसृभिरूर्जां पते पाहि चतसृभिर्वसो॥
Transliterationpāhi no agna ekayā pāhyuta dvitīyayā | pāhi gīrbhistisṛbhirūrjāṁ pate pāhi catasṛbhirvaso ||
पाहि विश्वस्माद्रक्षसो अराव्णः प्र स्म वाजेषु नोऽव। त्वामिद्धि नेदिष्ठं देवतातय आपिं नक्षामहे वृधे॥
Transliterationpāhi viśvasmādrakṣaso arāvṇaḥ pra sma vājeṣu no'va | tvāmiddhi nediṣṭhaṁ devatātaya āpiṁ nakṣāmahe vṛdhe ||
आ नो अग्ने वयोवृधं रयिं पावक शंस्यम्। रास्वा च न उपमाते पुरुस्पृहं सुनीती स्वयशस्तरम्॥
Transliterationā no agne vayovṛdhaṁ rayiṁ pāvaka śaṁsyam | rāsvā ca na upamāte puruspṛhaṁ sunītī svayaśastaram ||
येन वंसाम पृतनासु शर्धतस्तरन्तो अर्य आदिशः। स त्वं नो वर्ध प्रयसा शचीवसो जिन्वा धियो वसुविदः॥
Transliterationyena vaṁsāma pṛtanāsu śardhatastaranto arya ādiśaḥ | sa tvaṁ no vardha prayasā śacīvaso jinvā dhiyo vasuvidaḥ ||
शिशानो वृषभो यथाग्निः शृङ्गे दविध्वत्। तिग्मा अस्य हनवो न प्रतिधृषे सुजम्भः सहसो यहुः॥
Transliterationśiśāno vṛṣabho yathāgniḥ śṛṅge davidhvat | tigmā asya hanavo na pratidhṛṣe sujambhaḥ sahaso yahuḥ ||
नहि ते अग्ने वृषभ प्रतिधृषे जम्भासो यद्वितिष्ठसे। स त्वं नो होतः सुहुतं हविष्कृधि वंस्वा नो वार्या पुरु॥
Transliterationnahi te agne vṛṣabha pratidhṛṣe jambhāso yadvitiṣṭhase | sa tvaṁ no hotaḥ suhutaṁ haviṣkṛdhi vaṁsvā no vāryā puru ||
शेषे वनेषु मात्रोः सं त्वा मर्तास इन्धते। अतन्द्रो हव्या वहसि हविष्कृत आदिद्देवेषु राजसि॥
Transliterationśeṣe vaneṣu mātroḥ saṁ tvā martāsa indhate | atandro havyā vahasi haviṣkṛta ādiddeveṣu rājasi ||
सप्त होतारस्तमिदीळते त्वाग्ने सुत्यजमह्रयम्। भिनत्स्यद्रिं तपसा वि शोचिषा प्राग्ने तिष्ठ जनाँ अति॥
Transliterationsapta hotārastamidīḻate tvāgne sutyajamahrayam | bhinatsyadriṁ tapasā vi śociṣā prāgne tiṣṭha janā ati ||
अग्निमग्निं वो अध्रिगुं हुवेम वृक्तबर्हिषः। अग्निं हितप्रयसः शश्वतीष्वा होतारं चर्षणीनाम्॥
Transliterationagnimagniṁ vo adhriguṁ huvema vṛktabarhiṣaḥ | agniṁ hitaprayasaḥ śaśvatīṣvā hotāraṁ carṣaṇīnām ||
केतेन शर्मन्सचते सुषामण्यग्ने तुभ्यं चिकित्वना। इषण्यया नः पुरुरूपमा भर वाजं नेदिष्ठमूतये॥
Transliterationketena śarmansacate suṣāmaṇyagne tubhyaṁ cikitvanā | iṣaṇyayā naḥ pururūpamā bhara vājaṁ nediṣṭhamūtaye ||
अग्ने जरितर्विश्पतिस्तेपानो देव रक्षसः। अप्रोषिवान्गृहपतिर्महाँ असि दिवस्पायुर्दुरोणयुः॥
Transliterationagne jaritarviśpatistepāno deva rakṣasaḥ | aproṣivāngṛhapatirmahā asi divaspāyurduroṇayuḥ ||
मा नो रक्ष आ वेशीदाघृणीवसो मा यातुर्यातुमावताम्। परोगव्यूत्यनिरामप क्षुधमग्ने सेध रक्षस्विनः॥
Transliterationmā no rakṣa ā veśīdāghṛṇīvaso mā yāturyātumāvatām | parogavyūtyanirāmapa kṣudhamagne sedha rakṣasvinaḥ ||
Sukta 60 is a node in the Sanatan Dharma knowledge map. This page places it within its scriptural, philosophical, or living-tradition context and links to its branches, sources, and related paths.