Sukta 53
Complete Rigveda Sukta with 8 mantras in Sanskrit, IAST transliteration, and source-aligned historical English where available.
Complete Rigveda Sukta with 8 mantras in Sanskrit, IAST transliteration, and source-aligned historical English where available.
Depth 4 of 4
Complete Rigveda Sukta with 8 mantras in Sanskrit, IAST transliteration, and source-aligned historical English where available.
Turn pages with the buttons, a swipe, or the left and right arrow keys.
उपमं त्वा मघोनां ज्येष्ठं च वृषभाणाम्। पूर्भित्तमं मघवन्निन्द्र गोविदमीशानं राय ईमहे॥
Transliterationupamaṁ tvā maghonāṁ jyeṣṭhaṁ ca vṛṣabhāṇām | pūrbhittamaṁ maghavannindra govidamīśānaṁ rāya īmahe ||
य आयुं कुत्समतिथिग्वमर्दयो वावृधानो दिवेदिवे। तं त्वा वयं हर्यश्वं शतक्रतुं वाजयन्तो हवामहे॥
Transliterationya āyuṁ kutsamatithigvamardayo vāvṛdhāno divedive | taṁ tvā vayaṁ haryaśvaṁ śatakratuṁ vājayanto havāmahe ||
आ नो विश्वेषां रसं मध्वः सिञ्चन्त्वद्रयः। ये परावति सुन्विरे जनेष्वा ये अर्वावतीन्दवः॥
Transliterationā no viśveṣāṁ rasaṁ madhvaḥ siñcantvadrayaḥ | ye parāvati sunvire janeṣvā ye arvāvatīndavaḥ ||
विश्वा द्वेषांसि जहि चाव चा कृधि विश्वे सन्वन्त्वा वसु। शीष्टेषु चित्ते मदिरासो अंशवो यत्रा सोमस्य तृम्पसि॥
Transliterationviśvā dveṣāṁsi jahi cāva cā kṛdhi viśve sanvantvā vasu | śīṣṭeṣu citte madirāso aṁśavo yatrā somasya tṛmpasi ||
इन्द्र नेदीय एदिहि मितमेधाभिरूतिभिः। आ शंतम शंतमाभिरभिष्टिभिरा स्वापे स्वापिभिः॥
Transliterationindra nedīya edihi mitamedhābhirūtibhiḥ | ā śaṁtama śaṁtamābhirabhiṣṭibhirā svāpe svāpibhiḥ ||
आजितुरं सत्पतिं विश्वचर्षणिं कृधि प्रजास्वाभगम्। प्र सू तिरा शचीभिर्ये त उक्थिनः क्रतुं पुनत आनुषक्॥
Transliterationājituraṁ satpatiṁ viśvacarṣaṇiṁ kṛdhi prajāsvābhagam | pra sū tirā śacībhirye ta ukthinaḥ kratuṁ punata ānuṣak ||
यस्ते साधिष्ठोऽवसे ते स्याम भरेषु ते। वयं होत्राभिरुत देवहूतिभिः ससवांसो मनामहे॥
Transliterationyaste sādhiṣṭho'vase te syāma bhareṣu te | vayaṁ hotrābhiruta devahūtibhiḥ sasavāṁso manāmahe ||
अहं हि ते हरिवो ब्रह्म वाजयुराजिं यामि सदोतिभिः। त्वामिदेव तममे समश्वयुर्गव्युरग्रे मथीनाम्॥
Transliterationahaṁ hi te harivo brahma vājayurājiṁ yāmi sadotibhiḥ | tvāmideva tamame samaśvayurgavyuragre mathīnām ||
Sukta 53 is a node in the Sanatan Dharma knowledge map. This page places it within its scriptural, philosophical, or living-tradition context and links to its branches, sources, and related paths.