Sukta 30

ऋतं देवाय कृण्वते सवित्र इन्द्रायाहिघ्ने न रमन्त आपः। अहरहर्यात्यक्तुरपां कियात्या प्रथमः सर्ग आसाम्॥

ṛtaṁ devāya kṛṇvate savitra indrāyāhighne na ramanta āpaḥ | aharaharyātyakturapāṁ kiyātyā prathamaḥ sarga āsām ||

THE streams unceasing flow to Indra, slayer of Ahi, Savitar, God, Law's fulfiller, Day after day goes on the sheen of waters. What time hath past since they were first set flowing?

यो वृत्राय सिनमत्राभरिष्यत्प्र तं जनित्री विदुष उवाच। पथो रदन्तीरनु जोषमस्मै दिवेदिवे धुनयो यन्त्यर्थम्॥

yo vṛtrāya sinamatrābhariṣyatpra taṁ janitrī viduṣa uvāca | patho radantīranu joṣamasmai divedive dhunayo yantyartham ||

His Mother-for she knew-spake and proclaimed him who was about to cast his bolt at Vrtra. Cutting their paths according to his pleasure day after day flow to their goal the rivers.

ऊर्ध्वो ह्यस्थादध्यन्तरिक्षेऽधा वृत्राय प्र वधं जभार। मिहं वसान उप हीमदुद्रोत्तिग्मायुधो अजयच्छत्रुमिन्द्रः॥

ūrdhvo hyasthādadhyantarikṣe'dhā vṛtrāya pra vadhaṁ jabhāra | mihaṁ vasāna upa hīmadudrottigmāyudho ajayacchatrumindraḥ ||

Aloft he stood above the airy region, and against Vrtra shot his deadly missile. Enveloped in a cloud he rushed upon him. Indra subdued the foe with sharpened weapons.

बृहस्पते तपुषाश्नेव विध्य वृकद्वरसो असुरस्य वीरान्। यथा जघन्थ धृषता पुरा चिदेवा जहि शत्रुमस्माकमिन्द्र॥

bṛhaspate tapuṣāśneva vidhya vṛkadvaraso asurasya vīrān | yathā jaghantha dhṛṣatā purā cidevā jahi śatrumasmākamindra ||

As with a bolt, Brhaspati, fiercely flaming, pierce thou Vrkadvaras', the Asura's, heroes. Even as in time of old with might thou slewest, so slay even now our enemy, O Indra.

अव क्षिप दिवो अश्मानमुच्चा येन शत्रुं मन्दसानो निजूर्वाः। तोकस्य सातौ तनयस्य भूरेरस्माँ अर्धं कृणुतादिन्द्र गोनाम्॥

ava kṣipa divo aśmānamuccā yena śatruṁ mandasāno nijūrvāḥ | tokasya sātau tanayasya bhūrerasmā ardhaṁ kṛṇutādindra gonām ||

Cast down from heaven on high thy bolt of thunder wherewith in joy thou smitest dead the foeman. For gain of children make us thine, O Indra, of many children's children and of cattle.

प्र हि क्रतुं वृहथो यं वनुथो रध्रस्य स्थो यजमानस्य चोदौ। इन्द्रासोमा युवमस्माँ अविष्टमस्मिन्भयस्थे कृणुतमु लोकम्॥

pra hi kratuṁ vṛhatho yaṁ vanutho radhrasya stho yajamānasya codau | indrāsomā yuvamasmā aviṣṭamasminbhayasthe kṛṇutamu lokam ||

Whomso ye love, his power ye aid and strengthen; ye Twain are the rich worshipper's advancers. Graciously favour us, Indra and Soma; give us firm standing in this time of danger.

न मा तमन्न श्रमन्नोत तन्द्रन्न वोचाम मा सुनोतेति सोमम्। यो मे पृणाद्यो ददद्यो निबोधाद्यो मा सुन्वन्तमुप गोभिरायत्॥

na mā tamanna śramannota tandranna vocāma mā sunoteti somam | yo me pṛṇādyo dadadyo nibodhādyo mā sunvantamupa gobhirāyat ||

Let it not vex me, tire me, make me slothful, and never let us say, Press not the Soma; For him who cares for me, gives gifts, supports me, who comes with kine to me who pour libations.

सरस्वति त्वमस्माँ अविड्ढि मरुत्वती धृषती जेषि शत्रून्। त्यं चिच्छर्धन्तं तविषीयमाणमिन्द्रो हन्ति वृषभं शण्डिकानाम्॥

sarasvati tvamasmā aviḍḍhi marutvatī dhṛṣatī jeṣi śatrūn | tyaṁ cicchardhantaṁ taviṣīyamāṇamindro hanti vṛṣabhaṁ śaṇḍikānām ||

Sarasvati, protect us: with the Maruts allied thou boldly conquerest our foemen, While Indra does to death the daring chieftain of Sandikas exulting in his prowess.

यो नः सनुत्य उत वा जिघत्नुरभिख्याय तं तिगितेन विध्य। बृहस्पत आयुधैर्जेषि शत्रून्द्रुहे रीषन्तं परि धेहि राजन्॥

yo naḥ sanutya uta vā jighatnurabhikhyāya taṁ tigitena vidhya | bṛhaspata āyudhairjeṣi śatrūndruhe rīṣantaṁ pari dhehi rājan ||

Him who waylays, yea, him who would destroy us,-aim at him, pierce him with thy sharpened weapon. Brhaspati, with arms thou slayest foemen O King, give up the spoiler to destruction.

अस्माकेभिः सत्वभिः शूर शूरैर्वीर्या कृधि यानि ते कर्त्वानि। ज्योगभूवन्ननुधूपितासो हत्वी तेषामा भरा नो वसूनि॥

asmākebhiḥ satvabhiḥ śūra śūrairvīryā kṛdhi yāni te kartvāni | jyogabhūvannanudhūpitāso hatvī teṣāmā bharā no vasūni ||

Perform, O Hero, with our valiant heroes the deeds heroic which thou hast to finish. Long have they been inflated with presumption: slay them, and bring us hither their possessions.

तं वः शर्धं मारुतं सुम्नयुर्गिरोप ब्रुवे नमसा दैव्यं जनम्। यथा रयिं सर्ववीरं नशामहा अपत्यसाचं श्रुत्यं दिवेदिवे॥

taṁ vaḥ śardhaṁ mārutaṁ sumnayurgiropa bruve namasā daivyaṁ janam | yathā rayiṁ sarvavīraṁ naśāmahā apatyasācaṁ śrutyaṁ divedive ||

I craving joy address with hymn and homage your heavenly host, the company of Maruts, That we may gain wealth with full store of heroes, each day more famous, and with troops of children.