Sukta 142

समिद्धो अग्न आ वह देवाँ अद्य यतस्रुचे। तन्तुं तनुष्व पूर्व्यं सुतसोमाय दाशुषे॥

samiddho agna ā vaha devā adya yatasruce | tantuṁ tanuṣva pūrvyaṁ sutasomāya dāśuṣe ||

KINDLED, bring, Agni, Gods to-day for him who lifts the ladle up. Spin out the ancient thread for him who sheds, with gifts, the Soma juice.

घृतवन्तमुप मासि मधुमन्तं तनूनपात्। यज्ञं विप्रस्य मावतः शशमानस्य दाशुषः॥

ghṛtavantamupa māsi madhumantaṁ tanūnapāt | yajñaṁ viprasya māvataḥ śaśamānasya dāśuṣaḥ ||

Thou dealest forth, Tanunapat, sweet sacrifice enriched with oil, Brought by a singer such as I who offers gifts and toils for thee.

शुचिः पावको अद्भुतो मध्वा यज्ञं मिमिक्षति। नराशंसस्त्रिरा दिवो देवो देवेषु यज्ञियः॥

śuciḥ pāvako adbhuto madhvā yajñaṁ mimikṣati | narāśaṁsastrirā divo devo deveṣu yajñiyaḥ ||

He wondrous, sanctifying, bright, sprinkles the sacrifice with mead, Thrice, Narasamsa from the heavens, a God mid Gods adorable.

ईळितो अग्न आ वहेन्द्रं चित्रमिह प्रियम्। इयं हि त्वा मतिर्ममाच्छा सुजिह्व वच्यते॥

īḻito agna ā vahendraṁ citramiha priyam | iyaṁ hi tvā matirmamācchā sujihva vacyate ||

Agni, besought, bring hitherward Indra the Friend, the Wonderful, For this my hymn of praise, O sweet of tongue, is chanted forth to thee.

स्तृणानासो यतस्रुचो बर्हिर्यज्ञे स्वध्वरे। वृञ्जे देवव्यचस्तममिन्द्राय शर्म सप्रथः॥

stṛṇānāso yatasruco barhiryajñe svadhvare | vṛñje devavyacastamamindrāya śarma saprathaḥ ||

The ladle-holders strew trimmed grass at this well-ordered sacrifice; A home for Indra is adorned, wide, fittest to receive the Gods.

वि श्रयन्तामृतावृधः प्रयै देवेभ्यो महीः। पावकासः पुरुस्पृहो द्वारो देवीरसश्चतः॥

vi śrayantāmṛtāvṛdhaḥ prayai devebhyo mahīḥ | pāvakāsaḥ puruspṛho dvāro devīrasaścataḥ ||

Thrown open be the Doors Divine, unfailing, that assist the rite, High, purifying, much-desired, so that the Gods may enter in.

आ भन्दमाने उपाके नक्तोषासा सुपेशसा। यह्वी ऋतस्य मातरा सीदतां बर्हिरा सुमत्॥

ā bhandamāne upāke naktoṣāsā supeśasā | yahvī ṛtasya mātarā sīdatāṁ barhirā sumat ||

May Night and Morning, hymned with lauds, united, fair to look upon, Strong Mothers of the sacrifice, seat them together on the grass.

मन्द्रजिह्वा जुगुर्वणी होतारा दैव्या कवी। यज्ञं नो यक्षतामिमं सिध्रमद्य दिविस्पृशम्॥

mandrajihvā jugurvaṇī hotārā daivyā kavī | yajñaṁ no yakṣatāmimaṁ sidhramadya divispṛśam ||

May the two Priests Divine, the sage, the sweet-voiced lovers of the hymn, Complete this sacrifice of ours, effectual, reaching heaven to-day.

शुचिर्देवेष्वर्पिता होत्रा मरुत्सु भारती। इळा सरस्वती मही बर्हिः सीदन्तु यज्ञियाः॥

śucirdeveṣvarpitā hotrā marutsu bhāratī | iḻā sarasvatī mahī barhiḥ sīdantu yajñiyāḥ ||

Let Hotri pure, set amang Gods, amid the Maruts Bhirati, Ila, Sarasvati, Mahi, rest on the grass, adorable.

तन्नस्तुरीपमद्भुतं पुरु वारं पुरु त्मना। त्वष्टा पोषाय वि ष्यतु राये नाभा नो अस्मयुः॥

tannasturīpamadbhutaṁ puru vāraṁ puru tmanā | tvaṣṭā poṣāya vi ṣyatu rāye nābhā no asmayuḥ ||

May Tvastar send us genial dew abundant, wondrous, rich in gifts, For increase and for growth of wealth, Tvastar our kinsman and our Friend.

अवसृजन्नुप त्मना देवान्यक्षि वनस्पते। अग्निर्हव्या सुषूदति देवो देवेषु मेधिरः॥

avasṛjannupa tmanā devānyakṣi vanaspate | agnirhavyā suṣūdati devo deveṣu medhiraḥ ||

Vanaspati, give forth, thyself, and call the Gods to sacrifice. May Agni, God intelligent, speed our oblation to the Gods.

पूषण्वते मरुत्वते विश्वदेवाय वायवे। स्वाहा गायत्रवेपसे हव्यमिन्द्राय कर्तन॥

pūṣaṇvate marutvate viśvadevāya vāyave | svāhā gāyatravepase havyamindrāya kartana ||

To Vayu joined with Pusan, with the Maruts, and the host of Gods, To Indra who inspires the hymn cry Glory! and present the gift.

स्वाहाकृतान्या गह्युप हव्यानि वीतये। इन्द्रा गहि श्रुधी हवं त्वां हवन्ते अध्वरे॥

svāhākṛtānyā gahyupa havyāni vītaye | indrā gahi śrudhī havaṁ tvāṁ havante adhvare ||

Come hither to enjoy the gifts prepared with cry of Glory! Come, O Indra, hear their calling; they invite thee to the sacrifice.