सूक्त ९५
9 मन्त्रसहित सम्पूर्ण ऋग्वेद सूक्त: संस्कृत पाठ, IAST लिप्यन्तरण र उपलब्ध स्रोतसँग मिलेका ऐतिहासिक अङ्ग्रेजी अनुवाद।
9 मन्त्रसहित सम्पूर्ण ऋग्वेद सूक्त: संस्कृत पाठ, IAST लिप्यन्तरण र उपलब्ध स्रोतसँग मिलेका ऐतिहासिक अङ्ग्रेजी अनुवाद।
गहिराइ 4 / 4
9 मन्त्रसहित सम्पूर्ण ऋग्वेद सूक्त: संस्कृत पाठ, IAST लिप्यन्तरण र उपलब्ध स्रोतसँग मिलेका ऐतिहासिक अङ्ग्रेजी अनुवाद।
बटन, स्वाइप वा बायाँ-दायाँ तीर कुञ्जीले पृष्ठ पल्टाउनुहोस्।
आ त्वा गिरो रथीरिवास्थुः सुतेषु गिर्वणः। अभि त्वा समनूषतेन्द्र वत्सं न मातरः॥
लिप्यन्तरणā tvā giro rathīrivāsthuḥ suteṣu girvaṇaḥ | abhi tvā samanūṣatendra vatsaṁ na mātaraḥ ||
आ त्वा शुक्रा अचुच्यवुः सुतास इन्द्र गिर्वणः। पिबा त्वस्यान्धस इन्द्र विश्वासु ते हितम्॥
लिप्यन्तरणā tvā śukrā acucyavuḥ sutāsa indra girvaṇaḥ | pibā tvasyāndhasa indra viśvāsu te hitam ||
पिबा सोमं मदाय कमिन्द्र श्येनाभृतं सुतम्। त्वं हि शश्वतीनां पती राजा विशामसि॥
लिप्यन्तरणpibā somaṁ madāya kamindra śyenābhṛtaṁ sutam | tvaṁ hi śaśvatīnāṁ patī rājā viśāmasi ||
श्रुधी हवं तिरश्च्या इन्द्र यस्त्वा सपर्यति। सुवीर्यस्य गोमतो रायस्पूर्धि महाँ असि॥
लिप्यन्तरणśrudhī havaṁ tiraścyā indra yastvā saparyati | suvīryasya gomato rāyaspūrdhi mahā asi ||
इन्द्र यस्ते नवीयसीं गिरं मन्द्रामजीजनत्। चिकित्विन्मनसं धियं प्रत्नामृतस्य पिप्युषीम्॥
लिप्यन्तरणindra yaste navīyasīṁ giraṁ mandrāmajījanat | cikitvinmanasaṁ dhiyaṁ pratnāmṛtasya pipyuṣīm ||
तमु ष्टवाम यं गिर इन्द्रमुक्थानि वावृधुः। पुरूण्यस्य पौंस्या सिषासन्तो वनामहे॥
लिप्यन्तरणtamu ṣṭavāma yaṁ gira indramukthāni vāvṛdhuḥ | purūṇyasya pauṁsyā siṣāsanto vanāmahe ||
एतो न्विन्द्रं स्तवाम शुद्धं शुद्धेन साम्ना। शुद्धैरुक्थैर्वावृध्वांसं शुद्ध आशीर्वान्ममत्तु॥
लिप्यन्तरणeto nvindraṁ stavāma śuddhaṁ śuddhena sāmnā | śuddhairukthairvāvṛdhvāṁsaṁ śuddha āśīrvānmamattu ||
इन्द्र शुद्धो न आ गहि शुद्धः शुद्धाभिरूतिभिः। शुद्धो रयिं नि धारय शुद्धो ममद्धि सोम्यः॥
लिप्यन्तरणindra śuddho na ā gahi śuddhaḥ śuddhābhirūtibhiḥ | śuddho rayiṁ ni dhāraya śuddho mamaddhi somyaḥ ||
इन्द्र शुद्धो हि नो रयिं शुद्धो रत्नानि दाशुषे। शुद्धो वृत्राणि जिघ्नसे शुद्धो वाजं सिषाससि॥
लिप्यन्तरणindra śuddho hi no rayiṁ śuddho ratnāni dāśuṣe | śuddho vṛtrāṇi jighnase śuddho vājaṁ siṣāsasi ||
सूक्त ९५ सनातन धर्म ज्ञान-मानचित्रको एउटा बिन्दु हो। यस पृष्ठले यसलाई शास्त्रीय, दार्शनिक वा जीवन्त परम्पराको सन्दर्भमा राख्छ र यसका शाखा, स्रोत तथा सम्बन्धित मार्गसँग जोड्छ।