सूक्त ३४

एन्द्र याहि हरिभिरुप कण्वस्य सुष्टुतिम्। दिवो अमुष्य शासतो दिवं यय दिवावसो॥

endra yāhi haribhirupa kaṇvasya suṣṭutim | divo amuṣya śāsato divaṁ yaya divāvaso ||

Come hither, Indra, with thy Bays, come thou to Kanva's eulogy. Ye by command of yonder Dyaus, God bright by day! have gone to heaven.

आ त्वा ग्रावा वदन्निह सोमी घोषेण यच्छतु। दिवो अमुष्य शासतो दिवं यय दिवावसो॥

ā tvā grāvā vadanniha somī ghoṣeṇa yacchatu | divo amuṣya śāsato divaṁ yaya divāvaso ||

May the stone draw thee as it speaks, the Soma-stone with ringing voice. Ye by command of yonder Dyaus, God bright by day! have gone to heaven.

अत्रा वि नेमिरेषामुरां न धूनुते वृकः। दिवो अमुष्य शासतो दिवं यय दिवावसो॥

atrā vi nemireṣāmurāṁ na dhūnute vṛkaḥ | divo amuṣya śāsato divaṁ yaya divāvaso ||

The stones' rim shakes the Soma here like a wolf worrying a sheep. Ye by command of yonder Dyaus, God bright by day! have gone to heaven.

आ त्वा कण्वा इहावसे हवन्ते वाजसातये। दिवो अमुष्य शासतो दिवं यय दिवावसो॥

ā tvā kaṇvā ihāvase havante vājasātaye | divo amuṣya śāsato divaṁ yaya divāvaso ||

The Kanvas call thee hitherward for succour and to win the spoil. Ye by command of yonder Dyaus, God bright by day! have gone to heaven.

दधामि ते सुतानां वृष्णे न पूर्वपाय्यम्। दिवो अमुष्य शासतो दिवं यय दिवावसो॥

dadhāmi te sutānāṁ vṛṣṇe na pūrvapāyyam | divo amuṣya śāsato divaṁ yaya divāvaso ||

I set for thee, as for the Strong, the first draught of the juices shed.

स्मत्पुरंधिर्न आ गहि विश्वतोधीर्न ऊतये। दिवो अमुष्य शासतो दिवं यय दिवावसो॥

smatpuraṁdhirna ā gahi viśvatodhīrna ūtaye | divo amuṣya śāsato divaṁ yaya divāvaso ||

Come with abundant blessings, come with perfect care to succour us.

आ नो याहि महेमते सहस्रोते शतामघ। दिवो अमुष्य शासतो दिवं यय दिवावसो॥

ā no yāhi mahemate sahasrote śatāmagha | divo amuṣya śāsato divaṁ yaya divāvaso ||

Come, Lord of lofty thought, who hast infinite wealth and countless aids.

आ त्वा होता मनुर्हितो देवत्रा वक्षदीड्यः। दिवो अमुष्य शासतो दिवं यय दिवावसो॥

ā tvā hotā manurhito devatrā vakṣadīḍyaḥ | divo amuṣya śāsato divaṁ yaya divāvaso ||

Adorable mid Gods, the Priest good to mankind shall bring thee near.

आ त्वा मदच्युता हरी श्येनं पक्षेव वक्षतः। दिवो अमुष्य शासतो दिवं यय दिवावसो॥

ā tvā madacyutā harī śyenaṁ pakṣeva vakṣataḥ | divo amuṣya śāsato divaṁ yaya divāvaso ||

As wings the falcon, so thy Bays rushing in joy shall carry thee.

आ याह्यर्य आ परि स्वाहा सोमस्य पीतये। दिवो अमुष्य शासतो दिवं यय दिवावसो॥

ā yāhyarya ā pari svāhā somasya pītaye | divo amuṣya śāsato divaṁ yaya divāvaso ||

Come from the enemy to us, to svaha and the Soma-draught.

आ नो याह्युपश्रुत्युक्थेषु रणया इह। दिवो अमुष्य शासतो दिवं यय दिवावसो॥

ā no yāhyupaśrutyuktheṣu raṇayā iha | divo amuṣya śāsato divaṁ yaya divāvaso ||

Come hither with thine car inclined to hear, take pleasure in our lauds.

सरूपैरा सु नो गहि सम्भृतैः सम्भृताश्वः। दिवो अमुष्य शासतो दिवं यय दिवावसो॥

sarūpairā su no gahi sambhṛtaiḥ sambhṛtāśvaḥ | divo amuṣya śāsato divaṁ yaya divāvaso ||

Lord of well-nourished Horses, come with well-fed Steeds alike in hue.

आ याहि पर्वतेभ्यः समुद्रस्याधि विष्टपः। दिवो अमुष्य शासतो दिवं यय दिवावसो॥

ā yāhi parvatebhyaḥ samudrasyādhi viṣṭapaḥ | divo amuṣya śāsato divaṁ yaya divāvaso ||

Come hither from the mountains, come from regions of the sea of air.

आ नो गव्यान्यश्व्या सहस्रा शूर दर्दृहि। दिवो अमुष्य शासतो दिवं यय दिवावसो॥

ā no gavyānyaśvyā sahasrā śūra dardṛhi | divo amuṣya śāsato divaṁ yaya divāvaso ||

Disclose to us O Hero, wealth in thousands both of kine and steeds.

आ नः सहस्रशो भरायुतानि शतानि च। दिवो अमुष्य शासतो दिवं यय दिवावसो॥

ā naḥ sahasraśo bharāyutāni śatāni ca | divo amuṣya śāsato divaṁ yaya divāvaso ||

Bring riches hitherward to us in hundreds, thousands, myriads. Ye by command of yonder Dyaus, God bright by day! have gone to heaven.

आ यदिन्द्रश्च दद्वहे सहस्रं वसुरोचिषः। ओजिष्ठमश्व्यं पशुम्॥

ā yadindraśca dadvahe sahasraṁ vasurociṣaḥ | ojiṣṭhamaśvyaṁ paśum ||

The thousand steeds, the mightiest troop, which we and Indra have received From Vasurocis as a gift,

य ऋज्रा वातरंहसोऽरुषासो रघुष्यदः। भ्राजन्ते सूर्या इव॥

ya ṛjrā vātaraṁhaso'ruṣāso raghuṣyadaḥ | bhrājante sūryā iva ||

The brown that match the wind in speed, and bright bay coursers fleet of foot, Like Suns, resplendent are they all.

पारावतस्य रातिषु द्रवच्चक्रेष्वाशुषु। तिष्ठं वनस्य मध्य आ॥

pārāvatasya rātiṣu dravaccakreṣvāśuṣu | tiṣṭhaṁ vanasya madhya ā ||

Mid the Pargvata's rich gifts, swift steeds whose wheels run rapidly, I seemed to stand amid a wood.