सूक्त १४१

अग्ने अच्छा वदेह नः प्रत्यङ्नः सुमना भव। प्र नो यच्छ विशस्पते धनदा असि नस्त्वम्॥

agne acchā vadeha naḥ pratyaṅnaḥ sumanā bhava | pra no yaccha viśaspate dhanadā asi nastvam ||

TURN hither, Agni, speak to us: come to us with a gracious mind. Enrich us, Master of the house: thou art the Giver of our wealth.

प्र नो यच्छत्वर्यमा प्र भगः प्र बृहस्पतिः। प्र देवाः प्रोत सूनृता रायो देवी ददातु नः॥

pra no yacchatvaryamā pra bhagaḥ pra bṛhaspatiḥ | pra devāḥ prota sūnṛtā rāyo devī dadātu naḥ ||

Let Aryarnan vouchsafe us wealth, and Bhaga, and Brhaspati. Let the Gods give their gifts, and let Sunrta, Goddess, grant us wealth.

सोमं राजानमवसेऽग्निं गीर्भिर्हवामहे। आदित्यान्विष्णुं सूर्यं ब्रह्माणं च बृहस्पतिम्॥

somaṁ rājānamavase'gniṁ gīrbhirhavāmahe | ādityānviṣṇuṁ sūryaṁ brahmāṇaṁ ca bṛhaspatim ||

We call King Soma to our aid, and Agni with our songs and hymns, Adityas, Visnu, Surya, and the Brahman Priest Brhaspati.

इन्द्रवायू बृहस्पतिं सुहवेह हवामहे। यथा नः सर्व इज्जनः संगत्यां सुमना असत्॥

indravāyū bṛhaspatiṁ suhaveha havāmahe | yathā naḥ sarva ijjanaḥ saṁgatyāṁ sumanā asat ||

Indra, Vayu, Brhaspati, Gods swift to listen, we invoke, That in the synod all the folk may be benevolent to us.

अर्यमणं बृहस्पतिमिन्द्रं दानाय चोदय। वातं विष्णुं सरस्वतीं सवितारं च वाजिनम्॥

aryamaṇaṁ bṛhaspatimindraṁ dānāya codaya | vātaṁ viṣṇuṁ sarasvatīṁ savitāraṁ ca vājinam ||

Urge Aryaman to send us gifts, and Indra, and Brhaspati, Vata, Visnu, Sarasvati and the Strong Courser Savitar.

त्वं नो अग्ने अग्निभिर्ब्रह्म यज्ञं च वर्धय। त्वं नो देवतातये रायो दानाय चोदय॥

tvaṁ no agne agnibhirbrahma yajñaṁ ca vardhaya | tvaṁ no devatātaye rāyo dānāya codaya ||

Do thou, O Agni, with thy fires strengthen our prayer and sacrifice: Urge givers to bestow their wealth to aid our service of the Gods.