सूक्त ७२

हरिं मृजन्त्यरुषो न युज्यते सं धेनुभिः कलशे सोमो अज्यते। उद्वाचमीरयति हिन्वते मती पुरुष्टुतस्य कति चित्परिप्रियः॥

hariṁ mṛjantyaruṣo na yujyate saṁ dhenubhiḥ kalaśe somo ajyate | udvācamīrayati hinvate matī puruṣṭutasya kati citparipriyaḥ ||

THEY cleanse the Gold-hued: like a red Steed is he yoked, and Soma in the jar is mingled with the milk. He sendeth out his voice, and many loving friends of him the highly lauded hasten with their songs.

साकं वदन्ति बहवो मनीषिण इन्द्रस्य सोमं जठरे यदादुहुः। यदी मृजन्ति सुगभस्तयो नरः सनीळाभिर्दशभिः काम्यं मधु॥

sākaṁ vadanti bahavo manīṣiṇa indrasya somaṁ jaṭhare yadāduhuḥ | yadī mṛjanti sugabhastayo naraḥ sanīḻābhirdaśabhiḥ kāmyaṁ madhu ||

The many sages utter words in unison, while into Indra's throat they pour the Soma juice, When, with the ten that dwell together closely joined, the men whose hands are skilful cleanse the lovely meath.

अरममाणो अत्येति गा अभि सूर्यस्य प्रियं दुहितुस्तिरो रवम्। अन्वस्मै जोषमभरद्विनंगृसः सं द्वयीभिः स्वसृभिः क्षेति जामिभिः॥

aramamāṇo atyeti gā abhi sūryasya priyaṁ duhitustiro ravam | anvasmai joṣamabharadvinaṁgṛsaḥ saṁ dvayībhiḥ svasṛbhiḥ kṣeti jāmibhiḥ ||

He goes upon his way, unresting, to the cows, over the roaring sound which Sarya's Daughter loves. The Falcon brought it to him for his own delight: now with the twofold kindred sisters is his home.

नृधूतो अद्रिषुतो बर्हिषि प्रियः पतिर्गवां प्रदिव इन्दुरृत्वियः। पुरंधिवान्मनुषो यज्ञसाधनः शुचिर्धिया पवते सोम इन्द्र ते॥

nṛdhūto adriṣuto barhiṣi priyaḥ patirgavāṁ pradiva indurṛtviyaḥ | puraṁdhivānmanuṣo yajñasādhanaḥ śucirdhiyā pavate soma indra te ||

Washed by the men, stone-pressed, dear on the holy grass, faithful to seasons, Lord of cattle from of old, Most liberal, completing sacrifice for men, O Indra, pure bright Soma, Indu, flows for thee.

नृबाहुभ्यां चोदितो धारया सुतोऽनुष्वधं पवते सोम इन्द्र ते। आप्राः क्रतून्समजैरध्वरे मतीर्वेर्न द्रुषच्चम्वोरासदद्धरिः॥

nṛbāhubhyāṁ codito dhārayā suto'nuṣvadhaṁ pavate soma indra te | āprāḥ kratūnsamajairadhvare matīrverna druṣaccamvorāsadaddhariḥ ||

O Indra, urged by arms of men and poured in streams, Soma flows on for thee after.his Godlike kind. Plans thou fulfillest, gatherest thoughts for sacrifice: in the bowls sits the Gold-hued like a roosting bird.

अंशुं दुहन्ति स्तनयन्तमक्षितं कविं कवयोऽपसो मनीषिणः। समी गावो मतयो यन्ति संयत ऋतस्य योना सदने पुनर्भुवः॥

aṁśuṁ duhanti stanayantamakṣitaṁ kaviṁ kavayo'paso manīṣiṇaḥ | samī gāvo matayo yanti saṁyata ṛtasya yonā sadane punarbhuvaḥ ||

Sages well-skilled in work, intelligent, drain out the stalk that roars, the Sage, the Everlasting One. The milk, the hymns unite them with him in the place of sacrifice, his seat who is produced anew.

नाभा पृथिव्या धरुणो महो दिवोऽपामूर्मौ सिन्धुष्वन्तरुक्षितः। इन्द्रस्य वज्रो वृषभो विभूवसुः सोमो हृदे पवते चारु मत्सरः॥

nābhā pṛthivyā dharuṇo maho divo'pāmūrmau sindhuṣvantarukṣitaḥ | indrasya vajro vṛṣabho vibhūvasuḥ somo hṛde pavate cāru matsaraḥ ||

Earth's central point, sustainer of the mighty heavens, distilled into the streams, into the waters' wave, As Indra's thunderbolt, Steer with farspreading wealth, Soma is flowing on to make the heart rejoice.

स तू पवस्व परि पार्थिवं रजः स्तोत्रे शिक्षन्नाधून्वते च सुक्रतो। मा नो निर्भाग्वसुनः सादनस्पृशो रयिं पिशङ्गं बहुलं वसीमहि॥

sa tū pavasva pari pārthivaṁ rajaḥ stotre śikṣannādhūnvate ca sukrato | mā no nirbhāgvasunaḥ sādanaspṛśo rayiṁ piśaṅgaṁ bahulaṁ vasīmahi ||

Over the earthly region flow thou on thy way, helping the praiser and the pourer, thou Most Wise. Let us not lack rich treasure reaching to our home, and may we clothe ourselves in manifold bright wealth.

आ तू न इन्दो शतदात्वश्व्यं सहस्रदातु पशुमद्धिरण्यवत्। उप मास्व बृहती रेवतीरिषोऽधि स्तोत्रस्य पवमान नो गहि॥

ā tū na indo śatadātvaśvyaṁ sahasradātu paśumaddhiraṇyavat | upa māsva bṛhatī revatīriṣo'dhi stotrasya pavamāna no gahi ||

Hither, O Indu, unto us a hundred gifts of steeds, a thousand gifts of cattle and of gold, Measure thou forth, yea, splendid ample strengthening food do thou, O Pavamana, heed this laud of ours.