सूक्त ४२

जनयन्रोचना दिवो जनयन्नप्सु सूर्यम्। वसानो गा अपो हरिः॥

janayanrocanā divo janayannapsu sūryam | vasāno gā apo hariḥ ||

ENGENDERING the Sun in floods, engendering heaven's lights, green-hued, Robed in the waters and the milk,

एष प्रत्नेन मन्मना देवो देवेभ्यस्परि। धारया पवते सुतः॥

eṣa pratnena manmanā devo devebhyaspari | dhārayā pavate sutaḥ ||

According to primeval plan this Soma, with his stream, effused Flows purely on, a God for Gods.

वावृधानाय तूर्वये पवन्ते वाजसातये। सोमाः सहस्रपाजसः॥

vāvṛdhānāya tūrvaye pavante vājasātaye | somāḥ sahasrapājasaḥ ||

For him victorious, waxen great, the juices with a thousand powers Are purified for winning spoil.

दुहानः प्रत्नमित्पयः पवित्रे परि षिच्यते। क्रन्दन्देवाँ अजीजनत्॥

duhānaḥ pratnamitpayaḥ pavitre pari ṣicyate | krandandevā ajījanat ||

Shedding the ancient fluid he is poured into the cleansing sieve: He, thundering, hath produced the Gods.

अभि विश्वानि वार्याभि देवाँ ऋतावृधः। सोमः पुनानो अर्षति॥

abhi viśvāni vāryābhi devā ṛtāvṛdhaḥ | somaḥ punāno arṣati ||

Soma, while purifying, sends hither all things to be desired, He sends the Gods who strengthen Law.

गोमन्नः सोम वीरवदश्वावद्वाजवत्सुतः। पवस्व बृहतीरिषः॥

gomannaḥ soma vīravadaśvāvadvājavatsutaḥ | pavasva bṛhatīriṣaḥ ||

Soma, effused, pour on us wealth in kine, in heroes, steeds, and spoil, Send us abundant store of food.