सूक्त ९१

कन्या वारवायती सोममपि स्रुताविदत्। अस्तं भरन्त्यब्रवीदिन्द्राय सुनवै त्वा शक्राय सुनवै त्वा॥

kanyā vāravāyatī somamapi srutāvidat | astaṁ bharantyabravīdindrāya sunavai tvā śakrāya sunavai tvā ||

असौ य एषि वीरको गृहंगृहं विचाकशद्। इमं जम्भसुतं पिब धानावन्तं करम्भिणमपूपवन्तमुक्थिनम्॥

asau ya eṣi vīrako gṛhaṁgṛhaṁ vicākaśad | imaṁ jambhasutaṁ piba dhānāvantaṁ karambhiṇamapūpavantamukthinam ||

आ चन त्वा चिकित्सामोऽधि चन त्वा नेमसि। शनैरिव शनकैरिवेन्द्रायेन्दो परि स्रव॥

ā cana tvā cikitsāmo'dhi cana tvā nemasi | śanairiva śanakairivendrāyendo pari srava ||

कुविच्छकत्कुवित्करत्कुविन्नो वस्यसस्करत्। कुवित्पतिद्विषो यतीरिन्द्रेण संगमामहै॥

kuvicchakatkuvitkaratkuvinno vasyasaskarat | kuvitpatidviṣo yatīrindreṇa saṁgamāmahai ||

इमानि त्रीणि विष्टपा तानीन्द्र वि रोहय। शिरस्ततस्योर्वरामादिदं म उपोदरे॥

imāni trīṇi viṣṭapā tānīndra vi rohaya | śirastatasyorvarāmādidaṁ ma upodare ||

असौ च या न उर्वरादिमां तन्वं मम। अथो ततस्य यच्छिरः सर्वा ता रोमशा कृधि॥

asau ca yā na urvarādimāṁ tanvaṁ mama | atho tatasya yacchiraḥ sarvā tā romaśā kṛdhi ||

खे रथस्य खेऽनसः खे युगस्य शतक्रतो। अपालामिन्द्र त्रिष्पूत्व्यकृणोः सूर्यत्वचम्॥

khe rathasya khe'nasaḥ khe yugasya śatakrato | apālāmindra triṣpūtvyakṛṇoḥ sūryatvacam ||