सूक्त ३८

अपादित उदु नश्चित्रतमो महीं भर्षद्द्युमतीमिन्द्रहूतिम्। पन्यसीं धीतिं दैव्यस्य यामञ्जनस्य रातिं वनते सुदानुः॥

apādita udu naścitratamo mahīṁ bharṣaddyumatīmindrahūtim | panyasīṁ dhītiṁ daivyasya yāmañjanasya rātiṁ vanate sudānuḥ ||

HE hath drunk hence, Most Marvellous, and carried away our great and splendid call on Indra. The Bounteous, when we serve the Gods, accepteth song yet more famous and the gifts we bring him.

दूराच्चिदा वसतो अस्य कर्णा घोषादिन्द्रस्य तन्यति ब्रुवाणः। एयमेनं देवहूतिर्ववृत्यान्मद्र्यगिन्द्रमियमृच्यमाना॥

dūrāccidā vasato asya karṇā ghoṣādindrasya tanyati bruvāṇaḥ | eyamenaṁ devahūtirvavṛtyānmadryagindramiyamṛcyamānā ||

The speaker filleth with a cry to Indra his ears who cometh nigh e'en from a distance. May this my call bring Indra to my presence, this call to Gods composed in sacred verses.

तं वो धिया परमया पुराजामजरमिन्द्रमभ्यनूष्यर्कैः। ब्रह्मा च गिरो दधिरे समस्मिन्महाँश्च स्तोमो अधि वर्धदिन्द्रे॥

taṁ vo dhiyā paramayā purājāmajaramindramabhyanūṣyarkaiḥ | brahmā ca giro dadhire samasminmahāśca stomo adhi vardhadindre ||

Him have I sung with my best song and praises, Indra of ancient birth and Everlasting. For prayer and songs in him are concentrated: let laud wax mighty when addressed to Indra:

वर्धाद्यं यज्ञ उत सोम इन्द्रं वर्धाद्ब्रह्म गिर उक्था च मन्म। वर्धाहैनमुषसो यामन्नक्तोर्वर्धान्मासाः शरदो द्याव इन्द्रम्॥

vardhādyaṁ yajña uta soma indraṁ vardhādbrahma gira ukthā ca manma | vardhāhainamuṣaso yāmannaktorvardhānmāsāḥ śarado dyāva indram ||

Indra, whom sacrifice shall strengthen, Soma, and song and hymn, and praises and devotion, Whom Dawns shall strengthen when the night departeth, Indra whom days shall strengthen, months, and autumns.

एवा जज्ञानं सहसे असामि वावृधानं राधसे च श्रुताय। महामुग्रमवसे विप्र नूनमा विवासेम वृत्रतूर्येषु॥

evā jajñānaṁ sahase asāmi vāvṛdhānaṁ rādhase ca śrutāya | mahāmugramavase vipra nūnamā vivāsema vṛtratūryeṣu ||

Him, born for conquering might in full perfection, and waxen strongfor bounty and for glory, Great, Powerful, will we to-day, O singer, invite to aid. us and to quell our foemen.