सूक्त १७३

आ त्वाहार्षमन्तरेधि ध्रुवस्तिष्ठाविचाचलिः। विशस्त्वा सर्वा वाञ्छन्तु मा त्वद्राष्ट्रमधि भ्रशत्॥

ā tvāhārṣamantaredhi dhruvastiṣṭhāvicācaliḥ | viśastvā sarvā vāñchantu mā tvadrāṣṭramadhi bhraśat ||

BE with us; I have chosen thee: stand stedfast and immovable. Let all the people wish for thee let not thy kingship fall away.

इहैवैधि माप च्योष्ठाः पर्वत इवाविचाचलिः। इन्द्र इवेह ध्रुवस्तिष्ठेह राष्ट्रमु धारय॥

ihaivaidhi māpa cyoṣṭhāḥ parvata ivāvicācaliḥ | indra iveha dhruvastiṣṭheha rāṣṭramu dhāraya ||

Be even here; fall not away be like a mountain unremoved. Stand stedfast here like Indra's self, and hold the kingship in the grasp.

इममिन्द्रो अदीधरद्ध्रुवं ध्रुवेण हविषा। तस्मै सोमो अधि ब्रवत्तस्मा उ ब्रह्मणस्पतिः॥

imamindro adīdharaddhruvaṁ dhruveṇa haviṣā | tasmai somo adhi bravattasmā u brahmaṇaspatiḥ ||

This man hath Indra stablished, made secure by strong oblation's power. May Soma speak a benison, and Brahmanaspati, on him.

ध्रुवा द्यौर्ध्रुवा पृथिवी ध्रुवासः पर्वता इमे। ध्रुवं विश्वमिदं जगद्ध्रुवो राजा विशामयम्॥

dhruvā dyaurdhruvā pṛthivī dhruvāsaḥ parvatā ime | dhruvaṁ viśvamidaṁ jagaddhruvo rājā viśāmayam ||

Firm is the sky and firm the earth, and stedfast also are these hills. Stedfast is all this living world, and stedfast is this King of men.

ध्रुवं ते राजा वरुणो ध्रुवं देवो बृहस्पतिः। ध्रुवं त इन्द्रश्चाग्निश्च राष्ट्रं धारयतां ध्रुवम्॥

dhruvaṁ te rājā varuṇo dhruvaṁ devo bṛhaspatiḥ | dhruvaṁ ta indraścāgniśca rāṣṭraṁ dhārayatāṁ dhruvam ||

Stedfast, may Varuna the King, stedfast, the God Brhaspati, Stedfast, may Indra, stedfast too, may Agni keep thy stedfast reign.

ध्रुवं ध्रुवेण हविषाभि सोमं मृशामसि। अथो त इन्द्रः केवलीर्विशो बलिहृतस्करत्॥

dhruvaṁ dhruveṇa haviṣābhi somaṁ mṛśāmasi | atho ta indraḥ kevalīrviśo balihṛtaskarat ||

On constant Soma let us think with constant sacrificial gift And then may Indra make the clans bring tribute unto thee alone.