सूक्त ४७

अया सोमः सुकृत्यया महश्चिदभ्यवर्धत। मन्दान उद्वृषायते॥

ayā somaḥ sukṛtyayā mahaścidabhyavardhata | mandāna udvṛṣāyate ||

GREAT as he was, Soma hath gained strength by this high solemnity: joyous he riseth like a bull.

कृतानीदस्य कर्त्वा चेतन्ते दस्युतर्हणा। ऋणा च धृष्णुश्चयते॥

kṛtānīdasya kartvā cetante dasyutarhaṇā | ṛṇā ca dhṛṣṇuścayate ||

His task is done: his crushings of the Dasyus are made manifest: He sternly reckoneth their debts.

आत्सोम इन्द्रियो रसो वज्रः सहस्रसा भुवत्। उक्थं यदस्य जायते॥

ātsoma indriyo raso vajraḥ sahasrasā bhuvat | ukthaṁ yadasya jāyate ||

Soon as his song of praise is born, the Soma, Indra's juice, becomes A thousand-winning thunderbolt.

स्वयं कविर्विधर्तरि विप्राय रत्नमिच्छति। यदी मर्मृज्यते धियः॥

svayaṁ kavirvidhartari viprāya ratnamicchati | yadī marmṛjyate dhiyaḥ ||

Seer and Sustainer, he himself desireth riches for the sage When he embellisheth his songs.

सिषासतू रयीणां वाजेष्वर्वतामिव। भरेषु जिग्युषामसि॥

siṣāsatū rayīṇāṁ vājeṣvarvatāmiva | bhareṣu jigyuṣāmasi ||

Fain would they both win riches as in races of the steeds. In war Thou art upon the conquerors' side.