सूक्त ३३

प्र सोमासो विपश्चितोऽपां न यन्त्यूर्मयः। वनानि महिषा इव॥

pra somāso vipaścito'pāṁ na yantyūrmayaḥ | vanāni mahiṣā iva ||

LIKE waves of waters, skilled in song the juices of the Soma speed Onward, as buffaloes to woods.

अभि द्रोणानि बभ्रवः शुक्रा ऋतस्य धारया। वाजं गोमन्तमक्षरन्॥

abhi droṇāni babhravaḥ śukrā ṛtasya dhārayā | vājaṁ gomantamakṣaran ||

With stream of sacrifice the brown bright drops have flowed with strength in store Of kine into the wooden vats.

सुता इन्द्राय वायवे वरुणाय मरुद्भ्यः। सोमा अर्षन्ति विष्णवे॥

sutā indrāya vāyave varuṇāya marudbhyaḥ | somā arṣanti viṣṇave ||

To Indra, Vayu, Varuna, to Visnu, and the Maruts, flow The drops of Soma juice effused.

तिस्रो वाच उदीरते गावो मिमन्ति धेनवः। हरिरेति कनिक्रदत्॥

tisro vāca udīrate gāvo mimanti dhenavaḥ | harireti kanikradat ||

Three several words are uttered: kine are lowing, cows who give their milk: The Tawny-hued goes bellowing on.

अभि ब्रह्मीरनूषत यह्वीरृतस्य मातरः। मर्मृज्यन्ते दिवः शिशुम्॥

abhi brahmīranūṣata yahvīrṛtasya mātaraḥ | marmṛjyante divaḥ śiśum ||

The young and sacred mothers of the holy rite have uttered praise: They decorate the Child of Heaven.

रायः समुद्राँश्चतुरोऽस्मभ्यं सोम विश्वतः। आ पवस्व सहस्रिणः॥

rāyaḥ samudrāścaturo'smabhyaṁ soma viśvataḥ | ā pavasva sahasriṇaḥ ||

From every side, O Soma, for our profit, pour thou forth four seas Filled full of riches thousandfold.