सूक्त ४२

अस्तभ्नाद्द्यामसुरो विश्ववेदा अमिमीत वरिमाणं पृथिव्याः। आसीदद्विश्वा भुवनानि सम्राड्विश्वेत्तानि वरुणस्य व्रतानि॥

astabhnāddyāmasuro viśvavedā amimīta varimāṇaṁ pṛthivyāḥ | āsīdadviśvā bhuvanāni samrāḍviśvettāni varuṇasya vratāni ||

LORD of all wealth, the Asura propped the heavens, and measured out the broad earth's wide expanses. He, King supreme, approached all living creatures. All these are Varuna's holy operations.

एवा वन्दस्व वरुणं बृहन्तं नमस्या धीरममृतस्य गोपाम्। स नः शर्म त्रिवरूथं वि यंसत्पातं नो द्यावापृथिवी उपस्थे॥

evā vandasva varuṇaṁ bṛhantaṁ namasyā dhīramamṛtasya gopām | sa naḥ śarma trivarūthaṁ vi yaṁsatpātaṁ no dyāvāpṛthivī upasthe ||

So humbly worship Varuna the Mighty revere the wise Guard of World Immortal. May he vouchsafe us triply-barred protection. O Earth and Heaven, within your lap preserve us.

इमां धियं शिक्षमाणस्य देव क्रतुं दक्षं वरुण सं शिशाधि। ययाति विश्वा दुरिता तरेम सुतर्माणमधि नावं रुहेम॥

imāṁ dhiyaṁ śikṣamāṇasya deva kratuṁ dakṣaṁ varuṇa saṁ śiśādhi | yayāti viśvā duritā tarema sutarmāṇamadhi nāvaṁ ruhema ||

Sharpen this song of him who strives his utmost, sharpen, God Varuna, his strength and insight; May we ascend the ship that bears us safely, whereby we may pass over all misfortune.

आ वां ग्रावाणो अश्विना धीभिर्विप्रा अचुच्यवुः। नासत्या सोमपीतये नभन्तामन्यके समे॥

ā vāṁ grāvāṇo aśvinā dhībhirviprā acucyavuḥ | nāsatyā somapītaye nabhantāmanyake same ||

Asvins, with songs the singer stones have made you hasten hitherward, Nasatyas, to the Soma-draught. Let all the others die away.

यथा वामत्रिरश्विना गीर्भिर्विप्रो अजोहवीत्। नासत्या सोमपीतये नभन्तामन्यके समे॥

yathā vāmatriraśvinā gīrbhirvipro ajohavīt | nāsatyā somapītaye nabhantāmanyake same ||

As the sage Atri with his hymns, O Asvins, called you eagerly, Nasatyas, to the Soma-draught. Let all the others die away.

एवा वामह्व ऊतये यथाहुवन्त मेधिराः। नासत्या सोमपीतये नभन्तामन्यके समे॥

evā vāmahva ūtaye yathāhuvanta medhirāḥ | nāsatyā somapītaye nabhantāmanyake same ||

So have I called you to our aid, even as the wise have called of old, Nasatyas, to the Soma-draught. Let all the others die away.