सूक्त ८४

आ वां राजानावध्वरे ववृत्यां हव्येभिरिन्द्रावरुणा नमोभिः। प्र वां घृताची बाह्वोर्दधाना परि त्मना विषुरूपा जिगाति॥

ā vāṁ rājānāvadhvare vavṛtyāṁ havyebhirindrāvaruṇā namobhiḥ | pra vāṁ ghṛtācī bāhvordadhānā pari tmanā viṣurūpā jigāti ||

KINGS, Indra-Varuna, I would turn you hither to this our sacrifice with gifts and homage. Held in both arms the ladle, dropping fatness, goes of itself to you whose forms are varied.

युवो राष्ट्रं बृहदिन्वति द्यौर्यौ सेतृभिररज्जुभिः सिनीथः। परि नो हेळो वरुणस्य वृज्या उरुं न इन्द्रः कृणवदु लोकम्॥

yuvo rāṣṭraṁ bṛhadinvati dyauryau setṛbhirarajjubhiḥ sinīthaḥ | pari no heḻo varuṇasya vṛjyā uruṁ na indraḥ kṛṇavadu lokam ||

Dyaus quickens and promotes your high dominion who bind with bonds not wrought of rope or cordage. Far from us still be Varuna's displeasure may Indra give us spacious room to dwell in.

कृतं नो यज्ञं विदथेषु चारुं कृतं ब्रह्माणि सूरिषु प्रशस्ता। उपो रयिर्देवजूतो न एतु प्र णः स्पार्हाभिरूतिभिस्तिरेतम्॥

kṛtaṁ no yajñaṁ vidatheṣu cāruṁ kṛtaṁ brahmāṇi sūriṣu praśastā | upo rayirdevajūto na etu pra ṇaḥ spārhābhirūtibhistiretam ||

Make ye our sacrifice fair amid the assemblies: make ye our prayers approved among our princes. May God-sent riches come for our possession: further ye us with your delightful succours.

अस्मे इन्द्रावरुणा विश्ववारं रयिं धत्तं वसुमन्तं पुरुक्षुम्। प्र य आदित्यो अनृता मिनात्यमिता शूरो दयते वसूनि॥

asme indrāvaruṇā viśvavāraṁ rayiṁ dhattaṁ vasumantaṁ purukṣum | pra ya ādityo anṛtā minātyamitā śūro dayate vasūni ||

O Indra-Varuna, vouchsafe us riches with store of treasure, food, and every blessing; For the Aditya, banisher of falsehood, the Hero, dealeth wealth in boundless plenty.

इयमिन्द्रं वरुणमष्ट मे गीः प्रावत्तोके तनये तूतुजाना। सुरत्नासो देववीतिं गमेम यूयं पात स्वस्तिभिः सदा नः॥

iyamindraṁ varuṇamaṣṭa me gīḥ prāvattoke tanaye tūtujānā | suratnāso devavītiṁ gamema yūyaṁ pāta svastibhiḥ sadā naḥ ||

May this my song reach Varuna and Indra, and, strongly urging, win me sons and offspring. To the Gods' banquet may we go with riches. Preserve us evermore, ye Gods, with blessings.