सूक्त १८

सोमानं स्वरणं कृणुहि ब्रह्मणस्पते। कक्षीवन्तं य औशिजः॥

somānaṁ svaraṇaṁ kṛṇuhi brahmaṇaspate | kakṣīvantaṁ ya auśijaḥ ||

O BRAHMANAPSATI, make him who presses Soma glorious, Even Kaksivan Ausija.

यो रेवान्यो अमीवहा वसुवित्पुष्टिवर्धनः। स नः सिषक्तु यस्तुरः॥

yo revānyo amīvahā vasuvitpuṣṭivardhanaḥ | sa naḥ siṣaktu yasturaḥ ||

The rich, the healer of disease, who giveth wealth, increaseth store, The prompt,-may he be with us still.

मा नः शंसो अररुषो धूर्तिः प्रणङ्मर्त्यस्य। रक्षा णो ब्रह्मणस्पते॥

mā naḥ śaṁso araruṣo dhūrtiḥ praṇaṅmartyasya | rakṣā ṇo brahmaṇaspate ||

Let not the foeman's curse, let not a mortal's onslaught fall on us Preserve us, Brahmanaspati.

स घा वीरो न रिष्यति यमिन्द्रो ब्रह्मणस्पतिः। सोमो हिनोति मर्त्यम्॥

sa ghā vīro na riṣyati yamindro brahmaṇaspatiḥ | somo hinoti martyam ||

Ne'er is the mortal hero harmed whom Indra, Brahmanaspati, And Soma graciously inspire.

त्वं तं ब्रह्मणस्पते सोम इन्द्रश्च मर्त्यम्। दक्षिणा पात्वंहसः॥

tvaṁ taṁ brahmaṇaspate soma indraśca martyam | dakṣiṇā pātvaṁhasaḥ ||

Do, thou, O Brahmanaspati, and Indra, Soma, Daksina, Preserve that mortal from distress.

सदसस्पतिमद्भुतं प्रियमिन्द्रस्य काम्यम्। सनिं मेधामयासिषम्॥

sadasaspatimadbhutaṁ priyamindrasya kāmyam | saniṁ medhāmayāsiṣam ||

To the Assembly's wondrous Lord, to Indra's lovely Friend who gives Wisdom, have I drawn near in prayer.

यस्मादृते न सिध्यति यज्ञो विपश्चितश्चन। स धीनां योगमिन्वति॥

yasmādṛte na sidhyati yajño vipaścitaścana | sa dhīnāṁ yogaminvati ||

He without whom no sacrifice, e'en of the wise man, prospers; he Stirs up the series of thoughts.

आदृध्नोति हविष्कृतिं प्राञ्चं कृणोत्यध्वरम्। होत्रा देवेषु गच्छति॥

ādṛdhnoti haviṣkṛtiṁ prāñcaṁ kṛṇotyadhvaram | hotrā deveṣu gacchati ||

He makes the oblation prosper, he promotes the course of sacrifice: Our voice of praise goes to the Gods.

नराशंसं सुधृष्टममपश्यं सप्रथस्तमम्। दिवो न सद्ममखसम्॥

narāśaṁsaṁ sudhṛṣṭamamapaśyaṁ saprathastamam | divo na sadmamakhasam ||

I have seen Narasamsa, him most resolute, most widely famed, As 'twere the Household Priest of heaven.